Eje maňa Maýsa gyzy alyp ber!

Oba gyzlaryndan bir şony söýdüm,
Eje maña Maýsa gyzy alyp ber?!
Oña “Hökman seni alaryn” diýdim
Eje maña Maýsa gyzy alyp ber?!

Seret eje ondan tapmarsyñ kemi,
Uzyn saç, gara göz, ap akja teni,
Beýhuş etdi meni şonuñ edebi,
Eje maña Maýsa gyzy alyp ber?!

Göwnüme ýaranok seniñ saýlanyñ,
Şol ýeňil gyzymy Meňli daýzanyñ?
(Men suwun islämok, döwük küýzäniñ)
Eje maña Maýsa gyzy alyp ber?!

Indem ýapyşdyñ sen dükançy gyza,
Öñem çökerdi ol köp ýigdi dyza,
Bujagaz bet pälden dolanyp yza,
Eje maña Maýsa gyzy alyp ber?!

Arçynyñ gyzyna guda barypsyñ,
Jinsyda ýörenin özüñ görüpsiñ,
Meñ saýlan gyzyma göwün berip sen,
Eje maña Maýsa gyzy alyp ber?!

Söz gatypsyñ korateýs gyz Zülfiýa,
Salam diýseñ olam diýipdir "Kia"
Ony alsam hanlyk eder how öýe,
Eje maña Maýsa gyzy alyp ber?!

Gyzlaryñ şasydyr saýlap söýenim,
Iki diýdirenok ýeke diýenim,
Özi dikýä göräý, ähli geýenin,
Eje maña Maýsa gyzy alyp ber?!

Söýmedigni alyp ýanyp ýör Hommat,
Heleýinden oña ýetenok hormat,
Senem bu zatlary añyña ornat,
Eje maña Maýsa gyzy alyp ber?!

Eje maña seret, ana güldüñä,
Alyp berýäñ gerek,
Ine bildimä,
Men saña ýalbaryp goşgy düzdümä,
"EJE MAÑA MAÝSA GYZY ALYP BER?!"

Kerim Hallyýew