Italiýanyň Kamo şäheriniň ýaşaýjysy aýaly bilen dawadan soň köşeşmek üçin 450km ýol geçýär. 48 ýaşly erkek adam aýaly bilen sögüşýär we köşeşmek üçin gezelenje çykýar. Ol ýüzüni Boloniýa şäherine tutduryp ýöräp ugraýar we bir hepde soň deňiz etegindäki Fano şäherine baryp ýetýär. Ol ýerde ony polisiýa işgärleri saklaýarlar.
Polisiýanyň habar bermegine görä: Bimaksat köçelerde aýlanyp ýören adamy gije sagat ikilerde saklaýarlar. Oňa komendant sagadyny bozanlygy üçin 400 ýewro jerime salýarlar. Sorag wagtynda italýaly: öýünden beýle uzaklaşandygyny duýmanlygyny aýdýar. Ýene-de onuň sözlerine görä: ony ýolda mähirli nätanyş adamlar naharlapdyrlar. Tizara polisiýa işgärlerine bu adamyň aýalynyň adamsynyň ýitirim bolanlygy barada arza ýazanlygy belli bolýar.
Ol adamy naharlap, wagtlaýyn myhmanhana ýerleşdirýärler. Ertesi gün onuň aýaly maşynly gelip adamsyny alyp gidýär. Italýanyň Corriere della Sera gazediniň çaklamagyna görä, eger-de ol lapykeç adamy Fano şäherinde polisiýa işgärleri saklamadyk bolsa ol intägem köşeşmek üçin ýoluny dowam edip bilerdi diýip belleýär.