Bütün oba garaşyp dur
Ýola bakyar hemmeler
Atasy pyşyrdaýar:
“Geler,Geler,Geler”

Gelnejesi pyşyrdaýar:
“Gelermikä?,kim biler”
Atasy göwünlik berýär:
“Geler-le…..hökman geler”

Gök toraňňyň saýasynda
Ýüzläp adam dymyp dur
Çekizeli ak haltadan
Turşy damja damyp dur

Ýygnanyşdy babadaşlar
Içginler hem daşgynlar
Ne signal bar,ne şowhun
Dymşyp dur maşynlar

Geldi dürli maşynlar
Gyzyl,sary,ýaşyl,ak
Geldi garaşylmaýanlar
Garaşylýan gelenok

Göýä pikir hem etmän
Bu gürrüňler babatda
Ak guş kimin irkilip
Ene ýatyr tabytda

Göterlerne garaşyp dur
Köpi gören agaç at
Ene ýatyr üstünde
Giň maňlaýly
Agajet



Awtor:Kerim Gurbannepesow