Toý gutlagy

Saçaklar hemişe ýazylsyn toýa.
Çagalaryň gülki sesi ýatmasyn.
Her säher bereket paýlansyn öýe.
Baglaryň içinde ýandak bitmesin.

Öýüňiz hemişe myhmanly bolsun.
Ýakyn-ýada açyk dursun gapylar.
Elim gysga diýip alada etme.
Saglyk bolsa, hökman alaç tapylar.

Hemmä nesip etsin şeýle toý tutmak.
Gyz çykarmak hemem ogul öýermek.
Ogullar adyna mynasyp bolup,
Nesip etsin ata kesbe eýermek.

Ýaşlar bagtly bolsun, goşa garrasyn.
Berk maşgala ýere ursun köküni.
Düşünşip ýaşamak kada öwrülip,
Ýöretsinler agzybirlik hökümi.

Süleýman Durdyýew
imo 64971575