Futbol boýunça Zambiýanyň aýallar milli ýygyndysynyň kapitany Barbra Banda “saglyk ýagdaýy sebäpli” Afrika çempionatynyň oýunlaryna goýberilmedi. Haýsy sebäp boýunça goýberilmeýändigi barada anyk maglumat berilmändir.

Emma afrikaly birnäçe žurnalistleriň maglumatlaryna görä, Bandada geçirilen barlaglar onuň bedeninde testosteronyň derejesiniň ýokarydygyny görkezdi. Birnäçe köpçülikleýin habar beriş serişdeleri bolsa, sportçynyň daşky keşbine hem ünsi çekipdirler.

“Barbra Bandanyň ýaryşa gatnaşyp bilmeýändiginiň esasy sebäbini size aýdyp biljek däl, gowusy, CAF-dan soraň” diýip, Zambiýanyň milli ýygyndysynyň baş tälimçisi Brýus Mwape aýtdy.