Owal Alla zar etmesin namarda,
Saçagymda nanym halal duz bolsyn.
Hassa bolup ýatmaly etme Hudaýym,
On iki sünnüm abat janym sag bolsyn.

Çekmeli etme ýakynlarmyn zaryny
Şolara bagş etjek dünýe malymy
Söýen adam terk edermi ýaryny?
Söýenlem ýanymda nur bolup dursyn.

Enem-atam ynjamasyn hiç menden
Şolar üçin geçjek jan bilen tenden
Ýol uzasyn ýagşa tarap gün-günden
Ýollarmyz ak, işlermiz ugryna bolsyn.

Bagtym bolsyn, ýöne gara bolmasyn,
Ejizlanim duşmanlarym bilmesin,
Aglan wagtym, dost diýenim gülmesin,
Bu ykbalym namart dostdan daş bolsyn.

Arzuwlarma ýetsem, bolmaz armanym
Allam köp görmesin şeýdip güllänim,
Durmuş ýolda men ilkinji dilegim,
Goý, ykbalym dine ýagşa ýar bolsyn!

Amangeldiýewa Aýna