2007-nji ýylyň 1-nji sentýabrynda doganym bilen mekdebe gitdim. Meni doganym bilen bir synpda okamak üçin goýberipdiler. Mugallym kabul etmedi. Aglaaaap öýe gaýdypdym şonda.

Gurbazar Ezizowam yatdan cykarmalyn

Ýöne şol ýyl "Soňky jaň" dabarasynda jaň kakdyrypdylar.
Indiki ýyl öz deňlerim bilen okap başladyk. Partadaşymam klas boýunça ýeketäk tanaýan okuwçym Atamyrat diýen klasdaşym. Kiçi wagtyň oglan-gyz bolup oturyberýädik. Soň azyrak ulalansoň birhiliräk, geň görülýänräk bolup başlady :). Gyzlar-a gyzlar bilen, oglanlaram oglanlar bilen oturyp başlady. Beýtsegem, synp ýolbaşçymyz: "Betlik edýäňiz" diýip, oglan-gyz edip oturdypdy. "Uf-da, uff" bolşup gyzlar bilen plan düzüp başladyg-a :))

Her gyz öz partadaş oglanyny urmaly, çümmüklemeli, kitap ýetmän partadaşlara bir-birden paýlanan kitaplary olara okatmaly däl, ýazanyňy göçürtmeli däl, arassakom depdere dagy dyrnagy ýok bolsa-da bar diýip bellemeli :), sapakda gürlese ýa başga bezzatlyk etse derrew mugallyma aýtmaly, olar bize degse dagy bolany garaz, olary ýanymyzda oturmaz ýaly etmeli-dä :) Aý, ahyry eýdip-beýdip arzuwymyza ýetipdik öz-ä.

Şeýdip kem-kemden ulaldyk. Ýöne bir üns beren zadym kiçi wagty juda gowy okan oglan synpdaşlarym nämüçindir ýokary synplarda okuwdan pes bahalar alýadylar. 5-lige okanlar 3-lik alýady. Nädip beýle boldy düşünip bilmedim. Soňam üns bersem beýleki synplarda-da oglanlar kiçikä gowy okap soň okuwy taşlaýan eken. Näme üçin?!

Bedenterbiýe sapagyny halamaýan az bolsa gerek. Onçakly okamagy talap edenok. Esasy hereket etmeli. Ylgaýaň, bökýäň, futbol oýnaýaň, isleseň "Aýterek-Günterek", " Syçan-pişik", "Kraska-kraska", " Towşanjyk", "Orta top", " Şaşka" ... oýnabermeli. Ilkiler-ä hemmämiz üýşüpjik 27 bolup futbol oýnaýadyk. Gyzlara esasan warata garaşýardy. Özem bizde waratada 4-5 bolup durmak mümkinçiligi bardy :) Top oglanlardan artsa ortada-da oýnabermeli. Futbol topumyz meni şonça okuwçyň içinden tanaýady. 5-6 gezek dagy ýüzüme degipdi ýigrenji. Özümem sary bolamsoň gyp-gyzyl bolup, aglasamam beter gyzaryp, ýöne agyrýady-da ýüzüm. Bir wideo görüpdim. Futbolda waratada durýan oglana nädip depilse-de top hökman ýüzüne degip geçmän galýady. Görgülijik. Ýüzi dagy gara-gan bolupdyr-ow. Özünden gidip ýatyram welin, oturgyçda oturtýalar-a. Gaçyp gidip barýaka-da top şoňa degýä. Nädip çydadyka görgüli. Soň futboly taşlap wolleýbola geçende-de şeýle bolupdyr. Top diňe ýüzüne degýär-ä. Şo ýadyma düşýädi ýüzüme top degende. Hudaýa şükür onçakly bolmandy ýöne.

Bedenterbiýede ýene gyzyklysy hatara duraňda mugallym: "Çepe öwrüliň, saga öwrüliň" diýende ýalňyşyp ters tarapa bakýanlar köpdi kiçikäk. Mugallym iki ýana ýöräp ýörkä "Çepe öwrül" diýende, bilmän saga baksaň daşrakda bolsa ne ýagşy, eger Oraz mugallym ýanyňdan geçip barýan bolsa onda onuň "bäş gardaşyndan" datýady oglanlar :) Gyzlara gatydan gygyrýady.

Senýorite şu ýazan ýazgyñdan soñ kimkäñ diýip pikirlendim.yokardaky waka juda tanyş,sport mollumyñam ady dogry. Gysgajyk tanadaý,belki obadaşdyrys!

Aksary salam! Meň pikrimçe-hä biz tanyş däl. Ýöne, şonda-da men Daşoguzdan, Gurbansoltan eje etrabynyň bir obasyndan.

Hm duşündim.Welaýatymyzam deñ däl ekeni.

Saýtdaşlar ýatlamalaryňyzy ýazmaga ýaltanmaň-a!

Türkmen dilinden Sözlük diktanty ýazyp başlan wagtlarymyz ilkiler ýalňyş ýazyp 1-lik, 2-lik bahalaram alýadyk. Kyn sözlerdi-dä. Gyzyklam bolýady. (Kyrkgünlük gawun, maryly ussa, takyryň oýtumy, kireýne, Marydaky mekdep, ýaşuludaky kitap, sarun, ikuçlulyk etme..)
Türkmen dili kitabynda gönükmelerde goýulýan eserlerden bölekler, goşgular ana şolary okamagy gowy görýädim.
Edebiýatdan käwagt okamaga ýaltanan ýa-da temany aýtmaga ýaltanan günlerimiz Enejan mugallymymyzy onuň beýleki söýgüli temasyna hindi seriallara we taryhy seriallara sowardyk :) "Senga oshiqman" hindi serialy biziň halasgärimizdi.

Ünsüni sowardyk bolmalydy. Şo ýerlerde "ünsüni sözi galyp gidäýipdir-dä.

Fizika mugallymymyz her sapakda bizden formulalary soraýady. Ep-eslije ýazmalydy synp tagtasyna. Bizem her dürli emeller oýlap tapýardyk. Fizika dersi başlamanka synp tagtasyna heki gatydan basyp formulalary ýazyp çalaja-da öçürýädik. Ýa-da liste, depdere ullakan edip formulalary ýazyp partaň aşagyndan görkezýädik. Temany aýdyp bermäge oglanlar çykanda ikinji hataryň öňki partasynda oturan gyzlar kitaby öňe süýşürip goýardylar. Käwagt okamaga has oňaýly bolmagy üçin kitaby aňry aýlabam goýýadylar. Rahym mugallym käwagt bilýädi. Ýöne barybirem kimiň çyndan, kimiň bolsa ýalandan okaýandygyny ol bilýärdi. Garryja bolansoň käwagt synpda oturan ýerinde uklabam galýady. Ýöne şonda-da ünsi güýçlidi. Aýdanlarymyzy diňleýädi.

Bir gezek bolsa test aldyk. Rahym mugallymyň özi düzüp gelipdi. Olam 20-mi, 30-my soragdy. Testi aldyk, barlanyldy. Mugallym gülýär-ä, şol wagt "Novda" özbek filmindäki ýagdaý ýadyma düşip gitdi. Şoňa meňzeşrägem boldy :) Fizikadan 5-lik alýanlara çenli 3-lik alypdyrys. Ýekeje gyz klasdaşymyz fizikadan pes baha okaýan klasdaşymyz 5-lik alypdyr. Haýranymyz hekgerdi. :))
Ýene bir gezegem ýazuw-barlag işinden pes baha aldyk. Mugallymyň gahary gelip ýörite gelip hemme okuwçyň kellesine barmaklary bilen dürtüp: "Duranja summat, bir teňňä gymmat siz" diýip çykypdy.

Informatika sapagynda informatika kabinetine gitmegi gowy görýädik. Sebäbi ol ýerde biz "Tekken 3", " Zombie" ýaly oýunlary oýnaýadyk-da. Elbetde, temanam aýdyp berýädik.
Birinji synplara kompýuter sowgat bermeli edilende 2004-nji ýyllar birinji alypdylar kompýuteri. Azajyk içim ýanypdy. Ýöne şondan şu wagta çenli sowgat edilen kompýuterleriň iň gowusy meň üçin-ä 2009-njy ýyllaň alany. Uluja, gowja. Jigim gowy saklany üçin häzirem gowy işleýä. Köp klasdaşlarynyňky bozulypdyr.

Käwagt käbir mugallymlaň gelmedik güni zawujymyz gelip: "Pylany mugallymyňyz guýa gaçypdyr. Synpdan çykman, gykylyk etmän oturyň" diýip giderdi. Bizem mes. Kart oýnaýadyk, käwagt telefonynda minudy bar oglan synpdaşymyzyň telefonyndan özümizden her dürli nomer oýlap tapyp, ýa herimiz bir san aýdyp jaň edip görerdik. Oglan alsa gyz gürleşmeli, gyz alsa oglan gürleşmeli :) Gaty köp bezzatlyklar edýän ekenik.

Bir gezek bolsa, synpdan çykyp daşary gidenimde bir gyz klasdaşym telefonymy sumkamdan alypdyr-da, aýdym diňläp oturan eken. Sapak wagty bolanda men synpa mugallym bilen bile girdim. Şol wagt klasdaşym meň ýerimden turup barýan eken. Sapak başlandy. Hemme: "Bu gün mugallym temany menden sorar" diýip okap otyrlar. Dym-dyrslyk. Bir ýerlerden aýdymyň sesi gelip dur. Özem tanyş aýdym. Töwerege seretdim hemme arkaýyn. "Aý, häzir oglanlaň biri gep eşider-ow" diýip, özümçe gülüp otyryn. Yzyma seredip oglan synpdaşlamma "Telefonyňyzy öçüriň-ä, aýdym aýdyp dur. Gep eşitjek bolýaňyz hä?!" diýsem, ýüzüme gülüp seredip ikisem: "Seň telefonyňda aýdyp dur-a o!" diýdiler. Meňki däl diýsemem elim bilen sumkamyň agzyny çalaja açsam ses azyrak beýgeldi. O barmana-da mugallym yzyma bakyp oturanymy gördi-de, "Göwher aýlan bäriňe, jaňda gürleşersiň. Kitabyňy oka" diýdi. Aýal mugallym özem bu gün gaharlyrak. Utanyp gitdim. Hemme maňa bakyp ýyrşarýa. Men bolsa gyz klasdaşyma "janyňy alyp barýan bakyş" diýýär-ä multikde, şolar ýaly edip seredýän. Özüm aýlanman elimi yzyma edip sumkama salyp telefonumy tapdym. Sesini peseldip goýdum. Şol arada-da mugallym eşidäýmesin diýip, beýlekilere kitap, depderleriňizi şykyrdadyň diýipdim. Häläm mugallym bilmedi :)

senyorita.,
Bytayda bar zady aydayypsyna warata 3-4 bolp duryadynyzmy.?