Mekdepden başlandy bilimiň başy,
Asla sakladanok didämiň ýaşy,
Şeýle atlandyrdym, goşgyň adyny,
Mekdebe gelenmiz, ýaňydy, ýaňy

Mekdep gapysyna gelipdik hatar,
Göýä goşgy üçin dürdäne setir,
Şonda biz kakypdyk ilkinji jaňy,
Mekdebe gelenmiz ýaňydy-ýaňy,

Höwes bilen açdyk kitap gatyny,
Ilki öwrenipdik, harplardan A-ny,
Yzyndan öwrenipdik, biz B-ni,
Harplary öwrenenmiz ýaňydy, ýaňy,

Düýn dälmidi, öwrenipdik, sanlary,
Ýat tutup, birlikleri, onlary,
Soň öwrendik, köpeltmegi, bölmegi,
Sanlary öwrenenmiz ýaňydy ýaňy ,

Begenerdik alsak, hormat hatyny,
Ylgaşyp oýnardyk, jaň bolan çagy,
Aýdymda aýdardyk, Eý jana, jany,
Mekdebe gelenmiz ýaňydy ýaňy ,

Giň gujak açypdy, mekdep otagy,
Henizem az ýaly mekdep okuwy,
On bir ýyl geçipdir, harplykdan bäri,
Mekdebe gelenmiz ýaňydy ýaňy

Küýsärin şu gözel mekdep ýyllary,
Unutmaryn synpdaş oglan , gyzlary,
Ýatlaryn hemişe mugallymlary,
Mekdebe gelenmiz ýaňydy ýaňy ,
Indi bolsa kakýarys iň soňky jaňy,

Aýgül Mämetgurbanowa