Amerika wagty bilen şu gün agşam Täze Orleanda ýer ýüzündäki iň owadan gyzy saýladylar.

Gözellik bäsleşiginiň jemleýji üçlügine Dominikan Respublikasyndan, ABŞ-dan we Wenesueladan gelen gözeller girmegi başardylar. Netijede, 2023-nji ýylyň «Älem gözeli» adyna Amerikanyň Birleşen Ştatlaryndan R'Bonni Gabrielle mynasyp diýlip yglan edildi.

Gözellik bäsleşiginiň milli eşikleri görkezmek tapgyrynda egnine bodi, aýagyna botfort geýen R'Bonni Gabrielle, arkasyna Aý we ýyldyzlardan ýasalan bezegi dakynyp çykdy. Gözel gyz bu tapgyrdaky çykyşynda: «Men NASA kosmos merkeziniň ýerleşýän şäheri Hýustonda doglan gyz hökmünde, ilkinji bolup, Aýa zenan maşgalany ibermegi maksat edinýän şäherde ýaşaýandygyma buýsanýaryn» diýip, öz buýsanjyny we lybasynyň manysyny beýan etdi.

2023-nji ýylyň «Älem gözeli» bolmak üçin 86 ýurtdan gelen gözeller bäsleşdiler.

Çeşmesi: https://salamnews.tm/section/jemgyyet/model-we-stil/tanys-bolun:-2023-nji-yylyn-alem-gozeli!-onun-yensine-adaty-bolmadyk-tasin-lybasy-sebap-boldy-47ba65. 16.01.2023ý.