MEN GELERIN!..

Aladañlañ uçukladyp dodagyn,
Men gelerin gussalary terk edip,
Asman bilen badalaşan duýgylañ,
Ählisine biraýakdan erk edip.

Säher bilen öreninde bu zemin,
Men gelerin, gelerime garaşsañ,
Ýeke çeken şöwürlermiñ ýumagyn,
Öñkiñ ýaly goldaw bilen saraşsañ.

Men gelerin öýkenimde dem barka,
Umydyñy üzmeginem hiç wagt,
Bilýäňizmi, Siziň bilen derdinişmek,
Maña dünýädäki iñ uly bagt.

Söýgi däl, dostluk däl iñ eziz duýgy,
Mähir bilen ýamap durka ýamagym,
Men gelerin eger şatlykdan ýaña,
Bir geñsije gyzaranda ýañagyñ.

Awtory: Baýram Bejidow