Blogym saňa garaşýar,
Nirede sen Juma şahyr?
Eliňe galam ýaraşýar,
Nirede sen Juma şahyr?

Gybatçylaň sözi degdi,
Bir ýüzsüziň ýüzi degdi,
Ýa göribiň gözi degdi,
Nirde sen Juma şahyr?

Goşgy baryn düzüp ýördüň,
Ýygyndy hem ýazyp ýördüň,
Şu golaýda gezip ýördüň,
Nirede sen Juma şahyr?

Täze ýoldan barýaň şanly,
Tüweleme, "aw bolsun ganly"
Okaýanyň Kerim Hally,
Nirede sen Juma şahyr?

Hyýallarmy orta atjak,
Görünmeseň gama batjak,
Sen gelmeseň men-ä ýatjak,
Nirede sen Juma şahyr?