Gahar hakda (duet)

Gerçeknazar :

Gahar hakda aydyşaly aydyşyk,
Gahar etme ilki bilem salamlaş.
Bu gahar nahili ,nirden döreyär?
Şu sowala jogap beräý galamdaş!

Juma şahyr:

Ilki salam bilen başlayyn söze,
Bu sözün her ýerde sogaby kändir.
Sowalyna jogap bersem galamdaş,
Gahardyr imandan aýyryan zatdyr.

Gerçeknazar :

Aýt gaharyň gelse näme etmeli ?
Gaharyňy nädip çalt unutmaly?
Şunça bela nädip sabyr etmeli ?
Şu sowala jogabyň ne galamdaş!

Juma şahyr:

Şeýtanyň eý görýän sözidir gahar.
Gaharyňy jylawlamak gerekdir.
Ýagsy niýet ähli belany sowar.
Şu sowala jogabym şu galamdaş.

Gerçeknazar :

Gahaňy sowadýan bir doga barmy?
Söz bilen gaharňy unudyp bormy?
Gahar şeýtandanmy,syrňy açýarmy?
Şu sowala jogabyň ne galamdaş !

Juma şahyr:

Gahary sowadýan güýçli doga bar
Bu doganyň ady ylym-bilimdir
Ylymly-bilimli şeýtany ýeňer
Şu sowala jogabym şu galamdaş.

Gerçeknazar :

Gaharyň gelende çyn dost gülýärmi?
(Sowallarma aýt gaharyň gelýärmi?)
Gahar diňe adamlarda bolýarmy?
Şu sowala jogabyň ne galamdaş !

Juma şahyr:

Namart dost çyn dostyn üstünden güler
(Saňa gahar edip bolmar galamdaş).
Şeýtan ýolunyn ählisinde bolar,
Şu sowala jogabym şu galamdaş.

Gerçeknazar :

Gahar gazap ilki kimden başlapdyr ?
Haýsy adam ilki gaharlanypdyr?
Soň gaharny nädip ýuwdup bilipdir?
Şol sowala jogabyň ne galamdaş !

Juma şahyr:

Gahar-gazap şeýtan alyndan başlar
Namart ynsan ilki başyny başlar
Mertler ilki gaharny yuwdup başlar
Şu sowala jogabym şu galamdaş.

(20.03.2023)