Dag-derelerde,çöllerde gezmegi halaýan bir gözli adam bardy.Bir gün ol täsin bir obany gördi.Oba geldi.Bu ýeriň ýollary,öýleri hat-da, ol ýerde ýaşaýan adamlar hem gaty geňdi.Munuň sebäbini oba gelensoň bildi.Bu ýer körleriň obasydy.Erkek-aýal we çagalaryň gözleri ýumukdy...Bu adam şu ýerde ýaşamaly diýen karara geldi.
—Iň bolmanda,meniň bir gözüm bar."Körleriň obasynda çaşylar şa bolar",diýýärler.Menem bulara başlyk bolup gezibererin-dä–diýip oýlady.Körleriň gözi bolmasa-da,elleri,gulaklary,burunlary örän duýgurdy.Olar özleriniň oýlap tapan kanunlary esasynda ýaşaýardylar.Bu adam olaryň hereketlerini synlap,haýran galdy.Çünki gürleýişleri,gezişleri bütinleý başgaçady.Bir gün körleriň biri ýoldaşynyň zadyny ogurlady.Muny gören bir gözli adam:"Pylançy,pylançyň zadyny ogurlady" diýip gygyrdy.Muny eşiden körler:
—Nireden bildiň?!Şunça uzakdan eşidip bolonoga-diýdiler.Şonda ol:
— Men eşidemok,görýärin.Men görüp bilýärin-diýdi.Körler bolsa ne gözi,ne görmegi bilýärdiler.Ençe wagt bolupdy bu duýgyny unudup goýberenlerine.
—"Görýän" diýmegiň näme?Nädip görýäň?Ýagny,eşidilmeýän uzaklykdan näme bolýandygyny bilip durýamyň?-diýip soradylar.
—Elbetde.
—Saňa ynanamyzok.Seni synagdan geçireris-diýdiler.Soňra adamy özlerinden daşrak ýere alyp bardylar.Bu uzaklykdan hiç zat eşidip bolmajagyny olar gowy bilýärdi.
—Hany aýt,biz häzir näme edýäris?-diýip soradylar.
—Oturup gürleşýäňiz.Pylançy ýerinden turdy,pylançy  elini gymyldatdy.Ynha, pylançy aýagyny gymyldatdy-diýdi.Şol wagt körler öýüň içine girip gyrdylar.
—Indi nä?...
—Içeri girdiňiz,görüp bilemok...
Körler munyň parhyny bilmeýändigi üçin:
—Içeri girenimizde näme?Bary-ýogy bir ädim tapawut edýär-ä.—Sen bizi aldajak bolýaň.Ýaňy seňki tötänleýin dogry çykdy.Ynha,indi aýdyp bileňok.
—Daşary çykyň,aýdaryn-diýdi adam.
—Şunça uzakdan eşidenden soň,içeri ýa daşary bolanyň näme parhy bar...
—Men eşidemok,men görýärin–diýdi bu adam.
—Bolup bilmez.Sende bir nogsanlyk bar.Bolgusyz zatlary aýdýaň.Seni tebibe äkidip bejertmeli-diýip, adamy oba tebibine ýanyna eltdiler.Tebip hem körlerden eken.Elleri bilen sermeleşdirip,adamy barlamaga başlady.Barmaklaryny onuň ýüzünde aýlady.Ahyrsoňy:
—Tapdym.Ynha, bu ýerde nogsan bar eken-diýip, onuň açyk gözüne yşarat etdi.–Şonuň üçin hem bu bolgusyz zatlary samrapdyr.Galany meniň işim,muny özüm bejererin-diýip işe girişdi.
  Körleriň obasyna häkim bolmagy niýet eden adam,zordan ol ýerden gaçyp gutuldy.

  Körler  görmegiň nämedigini bilmeýär.Şonuň üçin hem olar,bir gözli adamy özlerine meňzetmekçi boldular.