Ýusupahmede jogaplar

Sowal:

Adam bina etdi haýsy kanaly?
Ol ýerden başlanýar okean ýoly.
Ýatan bir çägelik sag bilen soly,
Şu sowala jogabyň ne, şahyrym?

Jogap:

Adam bina etdi Gyzyl kanaly?
Ol ýerden başlanýar okean ýoly.
Ýatan bir çägelik sag bilen soly,
Şol sowala jogaby şu şahyryň.

Sowal:

Kimdir ilki bolup kosmosa uçan?
Ol haýsy milletden, nirede, haçan?
Häzir ýaşap ýörmi ýa mundan geçen?
Şu sowala jogabyň ne, şahyrym?

Jogap:

Gagarin ilkinji kosmasa uçan.
Müň dokuz ýüz altmyş dokuzda uçan.
Rus milletinden hem mundan geçen.
Şol sowala jogaby şu şahyryň.

Sowal:

Girkan haýsy deňziň ozalky ady?
Suwy tagamlymy, ajymy dady?
Egnine göterýär kän parahody,
Şu sowala jogabyň ne, şahyrym?

Jogap:

Girkan Hazar deňziň ozalky ady.
Suwy tagamsyzdyr , duzumtyk ajy.
Egnine göterýär kän parahody.
Şol sowala jogaby şu şahyryň.

Sowal:

Orta Ažyýada döwletleň sany
Näçe diýip hasap edýäň, bil hany,
( Dymma, şahyr, iýýän ýaly talhany),
Şu sowala jogabyň ne, şahyrym?

Jogap:

Orta Aziýada döwletleň sany.
Ýedi diýip hasaplaýan bil ony.
Dymmaýaryn iýýän ýaly talhany.
Şol sowala jogaby şu şahyryň.

Sowal:

Çarwa bilen çomryň parhy nämedir?
Habsy önüm öndürmäge jan eder?
Biri iýmit, biri egne don eder,
Su sowala jogabyň ne, şahyrym?

Jogap:

Çarwa çopan,çomry ýerli ekindar.
Çarwa goýun bakar,çomry ekin eker.
Biri iýmit , biri egne don eder.
Şol sowala jogaby şu şahyryň.