Türkmeniň.
Mukaddesdir däp-dessury dowamat,
Dünýä belli boldy ady Türkmeniň.
Halal zähmet bilen tapýar adalat,
Müň asyrlap öçmez bady Türkmeniň.

Gorap saklanylýar türkmen Alabaýy,
Her bir saçaklarda demlener çaýy,
Ýenişde gazansaň bardyr serpaýy,
Ýeňilmez asla pälwany Türkmeniň.

Al-ýaşyl elwanly bahary-ýazy,
Belentde ýaňlanýar aýdymy-sazy,
Hemme bagşylaryň şirin owazy,
Beýikdir hem şöhrat-şany Türkmeniň.

Ähli türkmen söýýär bahar paslyny,
Oguzhandan alyp gaýdýar aslyny,
Köňlüm arzuw eýläp etdim waspyny,
Mydam bardyr namys-ary Türkmeniň.

Hojageldiýew Dawut.