Gapymyzy kakdy buşluk Oraza,
Hoş gelipsiñ on bir aýyñ soltany.
Berip müñde kerem köpüñi aza,
Hoş gelipsiñ on bir aýyñ soltany.

Saña bolan berk ynanjym has güýjär,
Açlykdan soñ nygmatlaryñ has süýjär,
Günälerim döküp şol gadyr gijä,
Hoş gelipsiñ on bir aýyñ soltany.

Duşmandan dost eder, ýatlardan ýakyn,
Gözlerden nur döker, kalbyña hekim,
Ähli niýet, dilegleriñi ýetir,
Hoş gelipsiñ on bir aýyñ soltany.

Diñe açlygy däl sabry öwreder,
Saña aç galanyñ gadryn öwreder,
Her sogabyñ depderinde ýöreder,
Hoş gelipsiñ on bir aýyñ soltany.

Jem bolup metjitde okap tarawa,
Adyñ nur deý çoýsun her bir taraba,
Ýa Allam Iblisiñ şerinden gora,
Hoş gelipsiñ on bir aýyñ soltany.

Awtory: Jemşit Hajymämmedow