Sen gidensoň, göwnüme bolmasa durmuşum duraýjak, öňümdäki bar zatlar manysyny ýitiräýjek ýalydy.  Ir säherde dogýan nurly güneş gaýdyp maňa mähirli nuruny paýlamajak, aýly gijelerde yyldyzlar ýörejek ýoluma ýagty saçmajak ýalydy. Ýüzümdäki yylgyryş, şatlyk meniň bilen hemişelik hoşlaşaýjak ýalydy, emma ähli zatlar meniň pikir edişimçe däl ekeni. Hemme bolmaly zatlar öz wagty bilen õz bolmaly yerinde boldy. Daňlar atyp günler batdy, aý aýlandy, ýyllar ötdi. Dogry, bir bada durmuşum duran ýaly, akylym doņan ýaly boldy. Arzuwlar asmanynda ganatyn ýaýyp ýõren guşlaryň ganatlary gyryldy. Seniň iň soňky gezek aýdan sözleriň, meniň durmuşumy bûtinleý üýtgetdi. "Meni unut, sebäbini sorama, başarsaņ bagyşla. Biz birek-birek üçin yaradylmandyrys." Sen şeý diýdiņde hiç zat bolmadyk ýaly yzyņada seretmän assa-ýuwaş gözümden gaýyp bolduň. Men bolsa, dilim baglanan ýaly näme diýjegimem bilmän dymyp galdym. Men şol wagta çenli sensiz ýaşamak barada pikir etmekdenem gorkyardym, ahbetin.
Sen gidensoň wagt durdy ýõremän,
Indi gaýdyp dušuşjagymyz näguman.
Ne hä öňe ätdim, ne-de bir yza
A sen bolsa ýõräp barýaň säginmän.
Ähli zatdan yadadym, senli günleri ýatlamazlyga çalyşdym. Barybir ol günleriň kalbymda goýan mähri meni heniz-henizlerem öz erkime goýonok. Iň erbedeň sen maňa näçe yakyn ýaşsaňda duşup bilmeýänligim meni otdan alyp, suwa salýardy. Ýöne, saňa duşup köne dertleriňi gozgamagyň indi haýrynyň ýokdygynam duýýan. Öz-özüme teselli berýän, seni näçe çalt unutsam şonçada arkaýyn yaşaryn diýýän. Ýürege erk edip bolýamy, näme? Saňa bolan söýgüm tutuş bedenimi hat-da aklymam boýun egdirip bilýärsi. Sonuň üçin hem seniň bilen bagly düşnüksiz soraglar meni halys iýip barýardy. Ýadadym, pikirlenmekden, onda-da üznüksiz şol bir adamyň pikirini edip öz-õzüme jogapsyz soraglar berip ýadadym, ýadadym. Ine şu gün hem zol-zol uzaklara, birem sagadyma seredip kimdir birine garaşýan ýaly alyslary nazarlaýanyma özümem haýran.  Ýogsam, geljek diýenem ýok. Janyma jaý tapman bir ýerde durup bilmeýänligime bahar güllerini günäkär saýýan. Sebäbi,  sen bahary halaýardyň. Häzir baharda açylan läleleri synlap, arassa howadan dem alýansyň.  Belki, meni ýatlaýansyň? Içim-içime sygman gygyryp aýdym aýdyweresim gelýär.  Ýadyņdamy,  her sapar bahar gelende  bileje hiňlenýän aýdymymyz bardy.  Näme üçindir bar zady unudyp hiç zat bolmadyk ýaly seniň bilen degişip gürleşesim gelýär. Bagtdan ýaňa hool uzakda howalanyl görünýän yaşyl baýyrlyklaryň üstüne çykyl gygyrasym gelýär. Mylaýym şemala maýyl bolup ülpüldeşýän leýli saçlary synlap durşuma ýene geçen günleriň ýatlamalaryna çümenimi özümem duýman galdym. Eýsem,  hakyky yşk şeýle bolmalymyka? Eşitýärsiňmi, baharda guşlar jürküldeşip öz dillerinde täsir owaz edýärler. Olary bir gezek ünslije diňle! Olar guş bolsalarda gysga wagtlyk bagtyň gadyryny bilýärler. Uzak ýurtdan gaýdyp gelen durnalaram öwrüm edýär. Yene watanyna dolanypdyr göryäňmi?! Özlerem diýseň şadyýan, hem-de bagtly. Muny olaryň seslerindenem aňsa bolýar.  Durnalar dolandy, sen dolanmazmyň? Göwnüme bolmasa sen bir yerlerden çykaýjak ýaly. Maňa şeý diýäýjek ýaly " men geldim, men geldim. Indi bizi hiç zat aýryp bilmez hiç zat aýra salyp bilmez". Yadyňa düşýärmi sen şeýle sözler aýdypdyň yatla "güýzde giden durnalar baharda hökman geler".  Hawa, şeý diýipdiň. Güýzde giden durnalar baharda hökman yzyna dolanar. Güýzde uçup baryan durnalara seretsem öwran öwran yaňky sözleri gaýtalaýardym. Sen durna bolup uçup gitdiňle. Baharda yzyňa dolanmagy unudaýdyňa?!  Ähli zadyň dermany wagt diýýärler. Çyndanam wagt geçdigi sayyn sensiz ýaşamaklyga endik edýän. Tükeniksiz jogapsyz soraglarymy kalbymyň töründe gizledim. Başgalar ýaly durmuşyň sesine sesimi goşup deň-duşlarym bilen degişip-gülüşip ýaşaýan.

Sen giden soň,  ýyllar geçdi aradan.
Indi ýylgyrýanam käteler gülüp
Barym bagtym diýen elýetmaz söýgüm
Ýatlama öwrüldiň geçmişde galyp.

Söýgiňden daşlaşyp galsaň sen ýalňyz,
Ýalňyzlyk derdinden ýadaljak eken.
Ýatlap pursatlary bolsamda gamgyn,
Dünýäde sensizem ýaşaljak eken.

Bu günler başymdan geçmejek ýaly
Gõr meni neýledi söýgüniň ady
Ne günlere salsada söýgüniň ody
Dünýäde sensizem ýaşaljak eken.