Arkadag Serdarly bagtyýar ýaşlar.

Pähimden-paýhasdan doludyr gursak,
Arkadag Serdarly bagtyýar ýaşlar.
Okap bilim alýar her gün, her pursat,
Arkadag Serdarly bagtyýar ýaşlar.

Bardyr türkmenimde mert ýigit ärler,
Ýitirmän däp-dessur ýöredip durlar,
Täzeden-täze zat döredip durlar,
Arkadag Serdarly bagtyýar ýaşlar.

Joşup asal sözler gelýär dahana,
Bagt paýlap ýaşlar bu gün her ýana,
Bilimlerini ýaýýar älem-jahana,
Arkadag Serdarly bagtyýar ýaşlar.

Berkarar döwrümiz, ajap zamana,
Besläp her günlerin şöhrata-şana,
At-abraý getirýär Türkmenistana,
Arkadag Serdarly bagtyýar ýaşlar.
Dawut Hojageldiýew.