Garaşsañ çyradan jynyñ çykarna,
Uçýan halyñ arzuwynda ötersiñ.
Islendik meselä gözle çykalga,
Sen nämä ynansañ şoña ýetersiñ.

Ýeñliş bor ynansañ utuljagyña,
Ynamly isleseñ hökman utarsyñ.
Hassamyñ, umyt et gutuljagyña,
Sen nämä ynansañ şoña ýetersiñ.

Gaýgy - aladalar içiñ iýerem,
Giñ bol, was - waslygyñ düýpden gutarsyn.
Her bir işde haýyr bardyr diýilen,
Sen nämä ynansañ şoña ýetersiñ.

Hyýallara çäk ýok, ýaş ýa-da garra,
Ak arzuwlar göwnüñ göge götersin.
Menzilleri bagla zähmet hem sabra,
Sen nämä ynansañ şoña ýetersiñ.

* Şanazar Hydyrow