Göz öňüne getiriň. Siziň öýüňize uzak bolmadyk ýerde çola ýer bar. Bu çola ýeriň
içinde bar bolan jaýyň çyrasy gijesine ýanýar. Gündizine siz bu jaýa üns
bermeýärsiňiz. Emma gijelerene daş çykyp ýyldyzlara seýil edýän wagtyňyzda bu
jaýyň ölümtik ýanýan çyrasyna gözüňiz düşüp sizde şu pikir döreýär:
- Bu jaýda kim barka?
Emma soraga jogap ýok. Soraga jogap tapmak üçin çyrasy ölümtik ýanýan jaýa
ýakyn barmaly. Onuň aýnasyndan seredip bu jaýda kimleriň bardygyny
anykmlamaly! Siz bolsa iki göwünli. Bir görseň gidip anyklasyň gelýär we
ýene bir görseň ýaltalykdanmy ýada başga bir sebäpdenmi şol jaýa tarap
ýönelmäniň ornuna öz jaýyňyza ugyr alyp, çola ýerdäki jaýy ýatdan çykarýarsyňyz.
Bu ýagadaý birnäçe aý dowam edýär we siz indi özüňiziň bu ýagdaýyňyzdan
bizar bolup çyrasy ölümtik ýanaýan bu jaýa tarap ýönelýärsiňiz.
Assajykdan baryp gijäniň garaňkysyna duwlanyp, özüňiziň bu ýerde bardygyňyzy
bildirmejek bolup, jaýyň aýnasyndan seredip onuň içinde kimleriň bardygyny anyklaýarsyňyz.
Hiç hili üýütgeşik zat ýok. Birnäçe adam bar. Olar saňa nätanyş. Özleri bilen
gümra adamlar. Saňa garaşanoklar. Olar başgalarada garaşanoklar. Bu ýagdaý
olaryň özlerini alyp baryşyndan belli. Bir topar biperwaý adamlar. Özara
gülüşýärler. Özara gepleşýärler. Sen bolsa bu ýerde kim barka diýip geldiň.
Entek olary görmänkäň bu jaý seniň üçin gyzyklydy emma gelip bu jaýda
seni gyzyklandyrar ýaly zadyň ýokdygyny gördüň. Lapykeç halda yza dolanýarsyň.
Wagt geçýär. Bu ýere gelip lapykeç bolanyň ýadyňdan çykýar we bir-iki aý geçip
ýene şöl öňki ýagdaýyňa dolanýarsyň.
Ýene şol çyrasy ölümtik ýanyp duran jaý. Sende ýene täze duýgylar. Bu jaýda kimler
bar. Olar näme iş bilen meşgullanýarlar.
Sen ýene ýolda. Ýene şol hadysa.
Sen aýnadan seredip dursyň. Ol ýerdäki adamlar şol öňkileri ýaly özara
gülüşýärler.Olaryň gülkileri seniň üçin gyzykly däl ýaly. Sen ýene lapykeç
halda yza dolanmak isleýärsiň. Emma bir güýç seni saklaýar. Jaýa girýärsiň.
Bu ýerdäki adamlar saňa seredýärler. Emma olar biparh adamlar. Sen olara
salam diýýärsiň. Olar seniň bilen salamlaşýarlar. Emma barybir olar biparh
adamlar.Olar özara gowy. Emma seniň bilen däl. Onsoň sen ýene lapykeç halda yza
dolanýarsyň.
Bu ýagdaý şol birmeňzeş bolup gaýtalanyp dur.
Indi bolsa bu ýazanymyň manysy näme? Bu meniň islenen.ru saýty bilen başdan
geçirýän ýagdaýym.Çyrasy ölümtik ýanýan jaý islenen.ru saýty. Onuň içindäki
adamlar bolsa siz. Hoş wagtyňyz!