Bizi sataşdyrdy ykbal,
Şol kenaryň gyrasynda.
Söýgümizi etdik ykrar,
Şol kenaryň gyrasynda.

Ýalňyşlarňa gözüm ýumdum,
Gitme diýdim, nähak dymdyň.
Hany maňa beren andyň!
Şol kenaryň gyrasynda.

Sensizlik bilen göreşdim,
Altyn balyga garaşdym,
Deňziň ýüregine düşdüm,
Şol kenaryň gyrasynda.

Ak çarlaklarym gynanyp,
Wah, öleň aýtdylar ýanyp,
Meniň gark boljagym anyk,
Şol kenaryň gyrasynda.

Uzuk NOWRUZOWA