Golaýda kosmosa çykan ilkinji milliarder bolan Riçard Branson Aýda myhmanhana gurmak isleýändigini aýtdy. “Virgin Galactic” kompaniýasyna ýolbaşçylyk edýän Branson kosmos syýahatçylygyny ösdürmegi maksat edinýär. Meşhur işewür isleg bildirýänleriň köpelmegi bilen kosmos petekleriniň bahasynyň arzanlajakdygyny hem aýtdy. Ýeri gelende aýtsak, häzirki wagtda “Virgin Galactic” bilen kosmosa çykmagyň bahasy 250 müň dollar bolup, öňünden ýer belletmeli bolýar. Branson has uzak aralyga uçýan kosmos gämileriniň hem taýýarlanjakdygyny aýtdy.

“Amazon” kompaniýasynyň ýolbaşçysy Jeff Bezos hem 20-nji iýulda kosmosa uçar.

Ýeri gelende bellesek, amerikaly işewür Dennis Tito 2001-nji ýylda Russiýanyň “Soyuz” raketasy arkaly Halkara kosmos bekedine çykypdy. Ol ýerde bir hepde geçiren Tito bu syýahaty üçin 20 million dollar töläp, ilkinji kosmos syýahatçysy hökmünde taryha adyny ýazdyrypdy.