Her kimiň diýen ýaly öýüniň aýrylmaz tagamlaryndan biri bolan sogan bilen Angliýada ýaşaýan Owen Luis atly bir ýigit gaty üýtgeşik bir tejribe geçirdi.. Luis, bir sogan bilen tehnologiki enjamy zarýadlamagy we ulanmagy başarandygyny öňe sürdi.
Internetdäki wideosynda sogan bilen geçiren tejribesi arkaly tomaşaçylaryny haýran galdyran ýigit, sogany edil elektrik enjamyny rozetka dakýan ýaly ulanyp başlady. Dostynyň beren maslahatyna görä, gök önümlerde elektrik energiýasyny öndürip boljakdygyny aýdypdy. Owen Luis atly ýigit eden tejribesi arkaly muny subut edene meňzeýär. Eýsem, şeýle zat mümkin bolup bilermi?
Aslynda, gök önümleriň ählisinde ionlar bolýar. Energiýa içgilerinde hem bu ionlary işjeňleşdirjek birnäçe garyndylar bar. Başgaça aýdylanda, degişli şertleri döredeniňizde we energiýa içgisindäki we gök önümlerdäki ionlaryň mukdaryny birleşdireniňizde, şeýle elektrik energiýasynynyň çykmagy teoretiki taýdan mümkindir.
Owen Luisi geçiren tejribesinde ulanan usuly şu aşakdaky ýaly:
1) Soganyň her iki tarapyndan otwýrotka ýa-da buraw guraly bilen deň deşikler açmaly;
2) Sogany islendik energiýa içgisiniň içinde ýarym sagat töweregi goýup, himiki täsir bolýança garaşmaly;
3) Iň azyndan ýarym sagat geçenden soň, sogany çykaryp alyp, onuň hiç bir ýeri çygly bolmaz ýaly guratmaly;
4) Soňra elektron enjamyňyzyň USB kabelini sogan bilen batyryp, rozetka ýaly ulanmaly.