Russiýanyň Ylymlar akademiýasynyň ösümlik we haýwan ekologiýasy institutynyň Arktika gözleg stansiýasynyň işgärleri adaty bolmadyk – gök gözli polýar tilkisini tapdylar. Russiýanyň Sabetta obasynyň golaýynda gabat gelnen tilkiniň gök gözli bolmagynyň sebäbibiň bedenindäki pigment melaniniň az bolmagy bilen baglanyşyklydygy mälim edilýär.

Mutasiýa geçiren käbir haýwanlarda daşky örtügiň pigmentasiýasy ýitýär. Oňa leýkizm diýilýär. Leýkizm haýwanlaryň dürli görnüşlerinde ýüze çykyp bilýär. Ýeri gelende bellesek, geçen ýyl alymlar GPS enjamy arkaly dünýädäki ýeke-täk ak žirafy hem tapypdylar. Käbir süýrenijiler hem garaşylmadyk ýagdaýda ak reňkli bolup bilýär.