Owdan söz gözläp ýörmän,
Ýürekdäkim ýazyp geldim,
Päklik görsem ýüze sylyp,
Garalygy çyzyp geldim.

Ýamanlara köýse içim,
Ýagşy bolmadym göz üçin,
Añyrsy çyn hak söz üçin,
Mydam jana dözüp geldim.

Ýollarym gitse-de çepe,
Arzuwlarym boldy depe,
Üns bermän gybat-gepe,
Gussalarmy pozup geldim.

Ýarama ýekeje em bar,
Şükir, kükregimde dem bar,
Ynamym döwdüler, emma,
Dost-duşmany süzüp geldim.

Iman bilen ötsem meger,
Bir ömür ýaşanma deger.
...Senem dolanaýsañ eger,
Söýmejegmi syzyp gelgin..