Janly-jandarlar tebigatyň deňagramlylygyny saklamakda uly ähmiýete eýedirler. Her ýylyň 4-nji oktýabry bir asyr töweregi wagtdan bäri Haýwanlary goramagyň bütindünýä güni hökmünde bellenilip geçilýär. Bu sene ilkinji gezek 1925-nji ýylyň 24-nji martynda Germaniýanyň Berlin şäherindäki Sport köşgünde geçirildi. “Mensch und Hund” (Adam we It) eseriniň awtory Genrih Zimmermann tarapyndan gurnalan çärä 5000-den gowrak adam gatnaşdy. 1931-nji ýylyň maý aýynda Italiýanyň Florensiýa şäherinde haýwanlary goramak boýunça halkara kongresiniň mejlisinde Zimmermanyň 4-nji oktýabr Bütindünýä haýwanlar gününi ählumumy baýramçylyga öwürmek baradaky teklibi biragyzdan kabul edildi. 4-nji oktýabrda dünýäde bu güne bagyşlanan dürli çäreler geçirilýär.