Ýylgyryñ, ýylgyryş ýürekden bolsun,
Gülüñ, gülmekligi başarýarkañyz!
Ähli yzgytsyzlyk serhetin bozuñ,
Ana, şonda ýazylyp gider öýkäñiz.

Ýylgyryñ, dünýäni heýjana salyp,
Gûlüñ, göwün meýil etsin uçmaga!
Ynanaryn biri ýürekden gülüp,
Göni girip giden bolsa uçmaha.

Ýylgyryş gudratdyr, Hakyñ peşgeşi,
Gysganmañ ýylgyryşyn güler ýüzleriñ,
Kim bilýär, birine dermandyr, belki,
Hemmäge ýylgyryp, gülüp ýüzleniñ!

Ýylgyryñ, ýylgyrýan bagtly bolýandyr,
Gülüñ, gaýgy-gussa bermäñ siz orun!
Ýürekden ýylgyryp çözüp bolýandyr
Çözülmez öýdülýän ýürekleñ doñun.