Kitapçy saýdynda bir mowzuga duş geldim. Mowzugyň ady "jemgyýetçilik tankydy". Haýran galyp okasam gyzlardan başga zady agzamandyrlar. Aslynda bu zehin, jemgyýetçiligi diňe gyz bilen baglanyşdyrýar.
Paýlaşan @Jekparro, ýagny maňa zenanlara sögýäň diýen bir kişi. Görýän welin bu adam gyzlary köp alada etýär. Mowzukda şeýle bir söz bar "Orta bilim berip goýberen gyzlar görünmesiz ýerde görünýärler". Indi ilki bilen saňa näme ? Saňa galypdyrmy bir gyzyň nirede görünip görünmejegi ? Eder-eder özüne eder. Elbetde tankytlamaly, ýöne ýazgynyň yzy asyl niýeti orta çykarýar. Mowzukda "jel*p" sözi hem geçýär. Maňa "plan" diýýäň diýen erkek, hemme gyzy bir hasaplan ýazgyny goldaýar, içinde meniň diýenimden beter sözler bolmagyna garamazdan. Soňam "näme üçin gül ýaly gyzlar şeýle ýola düşýär" diýilipdir, gül ýaly gyz beýle ýola düşmez, düşsede gül ýaly däldir. Gül ýaly ençeme gyz bar sen arkaýyn bol. Bir wakany gürrüň beripdir, wakada bir gyz mata üçin oglan bilen ýatýar, soňam ol işe uýasynam goşýar. Meni gaharlandyran ýerem munyň üçin diňe gyzy günäkärläpdirler "sen gyz ahyryn" diýip. Elbetde gyzam günäkär, ýöne "asyl günä gyzda bolsada, erkegem günäli" diýip bilmändirler. Diňe gyz günäli.
Bu ýazgyny paýlaşanam şeýle düşünjededir, we iň erbedem bu kişi maňa gyzlar meselesinde akyl berýär. Men diňe jynsyýeti gyz bolanlygynyň arkasyna gizlenip edenini etýänlere hormat goýamok, olary ynsanam hasap edemok. A tutuş gyzlary masgaralaýan bu temany bolsa, hiç kim duýdurmasada men duýdurýan. Men niýeti ak bolan gyzlary goldaýan. Hemme gyzlar bir däl, we hemme oglanlaram bir däl. Jynsyýet meselesi däl, şahsyýet meselesi bu. Esasy maksat, adam bolsun. "Ulugyz, bahaňy bil" diýen bolup duýduryşam geçen bolupdyrlar. Seniň bahaň hemme gyzlary masgaralap uly tema etmegiňdemi ? Seniň  erkekligiňem şeýle gyzlary tankytlap, bir görseň şolar ýalylara pul berýänligiň bilen ölçälimi ? Eger beýle däl bolsa 1992-nji ýylyň ýazgysyny, we şeýle gyzlary näme üçin beýle serýozna aldyň, we iň erbedem munyň nämesi jemgyýetçilik tankydy, hany düşündir maňa.