On ýyl okapdyk mekdebe gatnap,
Gulluga gaýdamda geldiňiz gutlap,
Inni her üýşmeleňde, toýda ýatlap
Klasdaş oglanlar gyzlar aglamaň.

Ýaňy ýöräp ugrapdy gaýdamda jigim,
Diýipdi getirgin soldat papagyn,
Samalýot geçende bulap eljagazyn,
Agamy getir diýip jigim aglama.

Aglama, aglama enem aglama.
Bagtly bol ezizim senem aglama.

Owgan topragynda ýumuldy gözüm,
Ýumuldy gözlerim galandyr sözüm
Seň jiger perzendiň haklady duzun
Gözel ülkäm wekil ilim aglama.

Suratyma seredip gyýylma käbäm
Iň soňky demimde ýatlaryn obam
Inni sen garaşma söýgüli läläm
Bagtly bol ezizim senem aglama

Aglama, aglama enem aglama.
Bagtly bol ezizim senem aglama.
Aglama, aglama enem aglama.
Bagtly bol ezizim senem aglama.

Pälwan Halmyradow