Täzelikler
Yatyr Munda
6-08-2021, 10:47
???
Tisginip oýandym gijäň ýarynda,
Bütin iller, ümsüm, parahat ýatyr.
Meniň ýüregimiň içki töründe,
Hasyl bolman, heniz arzuwym ýatyr!
Oturdum bu gije asmany synlap,
Öwüsdi şemalam çalaja gollap.
Mümkin bilen däldirin ýar göwnün awlap,
Bu gün aýralykda söwer ýar ýatyr!
Geçjekdim duşundan, bilmedim ätläp
Ýenede oturdum durmuşum ýatlap.
Gozgaýar derdimi bagrymy otlap,
Ýumak deý çözilmän, ykbalym ýatyr!
〰️〰️〰️
Älemgoşar
Ýene gökde älemgoşar doguldy,
-Gagyldaşyp gazlar geçdi üstümden.
Ýene başym, başym aşak egildi,
Çykabilmän ýatlamalaň astyndan...
Biri ýaşyl, biri sary, biri ak,
-Älemgoşar ýaşlygymyň ýoly sen!
Görüpdiň sen bizi munda ikiçäk,
Şol dilberiň toý lybasy ýaly sen.
Geçip barýar aýlar, ýyllar, gyş, ýazlar,
Ýene bahar sepeleýär çagbasyn…
Haýsy ýana alyp gitdi ak gazlar,
Ganatynda şol dildaryň nagmasyn.
Bilmen, bu gün bu çal sepen başyma,
Ak gazlaryň ak ýelegi gaçdymy?
Ýanyp köýen gursagyma-döşüme
Ýene köne söýgiň közi düşdümi?!
...Ýene gökde älemgoşar doguldy,
Doguldy-da eräp gitdi gözümde,
Ap-ak gazlaň hatarlary bozuldy,
Söýgi galdy bu dünýäniň ýüzünde!
Biri sary, biri ýaşyl, biri ak,
Älemgoşar, şol söýgimiň ýoly sen!
Ýürek bagta ýeke pursat uçanda
Şo ýürekde dogan aýdym dämi sen?!
Annaberdi Agabaýew.
Bütin iller, ümsüm, parahat ýatyr.
Meniň ýüregimiň içki töründe,
Hasyl bolman, heniz arzuwym ýatyr!
Oturdum bu gije asmany synlap,
Öwüsdi şemalam çalaja gollap.
Mümkin bilen däldirin ýar göwnün awlap,
Bu gün aýralykda söwer ýar ýatyr!
Geçjekdim duşundan, bilmedim ätläp
Ýenede oturdum durmuşum ýatlap.
Gozgaýar derdimi bagrymy otlap,
Ýumak deý çözilmän, ykbalym ýatyr!
〰️〰️〰️
Älemgoşar
Ýene gökde älemgoşar doguldy,
-Gagyldaşyp gazlar geçdi üstümden.
Ýene başym, başym aşak egildi,
Çykabilmän ýatlamalaň astyndan...
Biri ýaşyl, biri sary, biri ak,
-Älemgoşar ýaşlygymyň ýoly sen!
Görüpdiň sen bizi munda ikiçäk,
Şol dilberiň toý lybasy ýaly sen.
Geçip barýar aýlar, ýyllar, gyş, ýazlar,
Ýene bahar sepeleýär çagbasyn…
Haýsy ýana alyp gitdi ak gazlar,
Ganatynda şol dildaryň nagmasyn.
Bilmen, bu gün bu çal sepen başyma,
Ak gazlaryň ak ýelegi gaçdymy?
Ýanyp köýen gursagyma-döşüme
Ýene köne söýgiň közi düşdümi?!
...Ýene gökde älemgoşar doguldy,
Doguldy-da eräp gitdi gözümde,
Ap-ak gazlaň hatarlary bozuldy,
Söýgi galdy bu dünýäniň ýüzünde!
Biri sary, biri ýaşyl, biri ak,
Älemgoşar, şol söýgimiň ýoly sen!
Ýürek bagta ýeke pursat uçanda
Şo ýürekde dogan aýdym dämi sen?!
Annaberdi Agabaýew.
20 комментариев