,???

Berekella, kämilleşýäniň bildirýär. ? (Reklamadyr, reklama:))

???

Ufff, ýene bir şahyr köpeljek öýdýän. ?

Menem shahyr bolaysammykam

Pegas,
Şahyr diýmede, konkurensiýa diýsene. ?

Gönüläp diýmegi birhili gördüm?

Men bu goşguny öñ okadymmykam diýýän.Awtory senmi Nirvana?

Kämilleşýändir ol. :) Reklama bolawersin.

Gorkma, käriň eliňden alynmaz.

Şu wagt iň aňsat zat şol boldy. Senem boluber.

Öňem men paýlaşdym. Awtory men däl. Kimdigini aýtsam aýyp bolar. Öň belli etme diýipdi. Şol ynsanyň özi girýärmikä şu saýda?! Ýat boldy…

Hiayress,
Konkurensiýa bolanda konkurs diýdigiñmi?

Goşgy ýazmak kärimmi meň?

Aý şol-da… Hiayress aýdypdyr.

Bäsdeşlik bolýar.

Näme aýdypdyr?

Pegas, konkurensiýa diýipdir-ä ýokarda.
Senden geçmez bäsdeşler. Indi ynjaldyňmy?

Bäsdeşim barmy bärde?

Baram bolsa bilemok. Kämilleşsem men bolaýmasam. :)

Özüňkem-ä däl eken bu goşgy.

Men näme goşgy ýazyp bilýänmi?

Awtoryň özi şol wagt rugsat bermändi adyny ýazmaga.

Nirvana, Allanurmy?

Allanur däl. Allanur üçin gowşak bolýar bu goşgy.

Aý, şu ýerdäki şahyr hasaplanylýanlaryňkydan-a oňat şu goşgy.

Häzir başga goşgusyny paýlaşjak. Okap baha beriň.

Gijeki pikir
Bu gije-de, senden aýry ýerde men,
Gara gözleň süzüläýse birdenem,
Ukydanam, ähli özgelerdenem,
Rugsat berseň, biraz seni güýmäýin!

Arzuw edýän saňa Dünýäň gowusyn,
Laýyk saňa, çünki özüň gowusyň,
Aladadan gyzgyn başyň sowasyn,
Gaýgyň alyp, gara daga çüýläýin!

Çynar boýuň, gury tal däl, derek däl,
Senden özge kim bolsa-da, gerekdäl,
Meň ýüregim, beýdip biljek ýürek däl,
Ýazgyt bolsa, seniň bilen çüýräýin!

Bu Dünýede görüp bolmaz öňüňi,
Ykbal sataşdyrýar kybap-deňiňi,
Çykaramda menem soňky demimi,
Haýyş senden, gujagyňda süýnäýin?!

Edep we isleg
Seň öňüňde dyzym epmek isledim,
Ýöne, edebiňden geçmedi isleg.
Gyrmyzy ýaňakdan öpmek isledim,
Ýöne, edebiňden geçmedi isleg.

Görüşmek isledim gijäň ýarynda,
Şu ýylyň gyşynda, tomus-ýazynda,
Kem galasym ýokdy özgäň ýanynda,
Ýöne, edebiňden geçmedi isleg.

Söýüşmek aýypmy, ýa erbet zatmy?
Diýipdim:" Söýgimiz biziň azatmy?",
Bolmak isledim men birden bar zatly,
Ýöne, edebiňden geçmedi isleg.

Duşuşyga çykdyk, ajap pursatda,
Söýgimiz urýardy iki gursakda,
Biraz ýakynlygy isläp dursak-da,
Biziň edebmizden geçmedi isleg.

Wadalaşdyk, eltdim öýňüze çenli,
Bildik, meňzeş eken boýmuza çenli,
Nesipbolsa boljak toýmuza çenli,
Halal edebmizden geçmezem isleg,
Tä şol güne çenli öçmezem isleg.

Gowy.

Toýda
Ol zähmet çekýärdi gaýgyrman güýjün,
Bildirenok, ýöne ýadandyr, bilýän.
Atdanlykda gözlerimiz sataşdy,
Ol maňa ýylgyrýar, men oňa gülýän.

Men öň üstünden däl, üstünligine,
Gülýän, ernim ýetip barýar gulaga.
Ol ýylgyrýar, onuň "munda" şatlygy,
Ne bir öýe mätäç, ne-de ulaga.

Ol bir hyzmatçy gyz, toýuň bezegi,
Ähli kişi başga zada seredýär.
Ýöne meniň gözlerimden şol ynsan,
Ylhamyma barýan ýoly döredýär.

Ol hem ynsandyr-a, arzuwy bardyr,
Çyksamam diýýändir uly durmuşa.
Köp kişiler sylamaýar, bilýän men,
Olar baha berýär daşky görnüşe.

Ýöne, içi welin giden bir älem,
Bu zatlary düşündirmek kyn juda.
Şahyrlygam ýetik bahana welin,
Asla özüm çendenaşa synçyd-a!..

Bar zat gowy, ýöne biraz ökünýän,
Seňem şony wajyp ýaly bilmegiň.
Sen maňa "sen" diýip ýüzlendiň, ýöne,
Men senden adyňam sorap bilmedim.