Rubagylar
Dilegim bar senden Beýik Allahym,
Özüň eşit özgä ýetirme ahym,
Derdin berseň dermanynam özüň ber,
Namarda ýalbartma owalda-ahyr...
***
Ynsan ogly başda ýasalmyş gumdan,
Ýene şoňa barar gidende mundan,
Şol iki arada özüň gorawer,
Görünmez beladan, şeýtan-melgundan.
***
Kimse mundan yşka du:şman gitmesin!
Arkaňdan dost syran duşman itmesin!
Oňarsam galaýyn ýagşy ýatlarda,
Meň işlerme oglum puşman etmesin!
***
Özüň eçil, gol serýän aç eýleme
Ýagşa ýar et, dälä dilmaç eýleme!
Geçenler hiç, amanadym beremde,
Bir bölek kepene mätäç eýleme!
***
Muňa gelen bendäň gury ötdirme!
Ýöne nebse wyždanyny utdurma!
Her zadyň öz wagty, öz çeni ýagşy,
Ata perzent tabydyny tutdurma!
***
Ýakyn bolsaň gowy ýat bolanyňdan,
Ýöne, ýat ýagşydyr "a:t" bolanyňdan,
Gerekli ýerimde uçgun bolaýyn,
Gereksiz ýerimde ot bolanymdan.
***
Rugsady bolmasa, daňlaram atmaz,
Habarsyz dänejik ammara gaçmaz,
Özi deňläp, özi sazlaýan Hakdyr,
Bir zadym kem diýip gamlara batma!
***
Peder ýörän ýolun ogla kesdirme,
Şol ýoly kyn görüp, yza tesdirme,
Kä wagt horlugy çekmegem gerek,
Dok günüň "haý" diýer ýaly mesligňe.
***
Üstünligiň syry hakda söz açsam,
Çür başyna ýetmän gaýtma dyrmaşsaň,
Okap öwrenmegem gerekdir weli,
Baş bilimi almalydyr durmuşdan.
***
Üstünligiň syry hakda söz açsam,
Çür başyna ýetmän gaýtma dyrmaşsaň,
Okap öwrenmegem gerekdir weli,
Baş bilimi almalydyr durmuşdan.
***
Ömrüňde bir gapy tutmaklyk gerek,
Ol ýapylsa özgä gitmeklik gerek,
Islendik gapynam açmaklyk üçin,
Ilki ony hökman itmeklik gerek.
***
Bir ýagşylyk etseň özge birine,
Goldaw bolar, kuwwat berer biline,
Kiçijik çitimden önýändir haly,
Köp çitmegem täsir edýär hiline.
***
Turmak üçin gatyrak gur jaňyňy,
Ýöne, dert etmegin ile ýaňyňy,
Bir zatda ussatlyk almak isleseň,
Ýatman garşy almak gerek daňyňy.
***
Bir ýere Dünýäniň ili jemi bolsa,
Gulak ker açardy olar sem bolsa,
Belki-de kän zady tutup bolmazdy,
Eliň ähli barmaklary deň bolsa?!

"Ýetim" sözi hakda ençe kep gördüm,
Ähli keplerde-de çüýrük kök gördüm,
Atasyz ýetim-ä, düşnükli welin,
Ataly ýetimem juda köp gördüm.
***
Ynsana ýaranmyp bolmaýar asyl,
Hatda tebigatam tapmandyr usul,
Tomsuň çöwzasyna yssy diýer ol,
Gyşam onuň üçin sowuk bir pasyl.

Bu saýtda-da bara gowy ýazýanlar. Şahyr diýilip, diýilmeýänini bilemok olara.

Nirvana, wiý, myhmanyňkymy ýa bu goşgular?