"niçýa" gelişmändir.

Bu zenanyň goşgularam gowy eken. Kitabynyň adynam haladym.

“Söýýän, söýýän” diýip käte, Zowladyberesiň gelýär.
Nesibäm bolmasaň bolma,
Barybir göresim gelýär.

Gürleşesim gelýär ýene,
Açasym gelýär kalbymy,
Men yşka ýüregni berip,
Ýüreksiz galan görgüli.

Bagryma basasym gelýär,
Gysanda günler kibtimi,
Sensiz bezenesim gelmän,
Agdyryp ýörün ebtimi.

Isleseň ýene-de alda,
Isleseň duýgymy güýme.
Näme diýseň diý bolşuma,
Ýöne: “Meni unut” diýme.

Ogulnur ATAÝEWA.

Ol gün güneş görünmedi ýerinde,
Aýam ak ýüzüne çekipdir perde,
Terje ýalňyzlygy tüýdüp başladym,
Yş ýok, yşyk ýok, çola bir ýerde.

Özümi ýük edip dünýäň gerşine, Gerdenime nämeleri göterdim?!
Seni ýaňy tapdym diýen mahalym, Ýitirdim.

Ynha, şeýdip çile düşdi geljege,
Kim okap, kim gyrkyp eder alada?! Sowsaň gutarmaýan günler gögerdi, Bitmez bolsa bitmez eken ýara-da.

Torç etdim, wes-weýran ähli arzuwlar,
Seni, meni tanar ýaly bolmady.
Ýüregimiň güman eden sebäbi,
Şolmudy?!


Ogulnur ATAÝEWA.

Mahal-mahal yzylaýan çaga deý,
Bu günlere yrsaraýan goýmaýan,
Dagap giden pikirlemden basylyp, Duralgamdan geçenimem duýmaýan.

Soň yzyma pyýadalap öýe çen,
Üzük-ýoluk arzuwlarmy sepleýän,
Şeýle bir, şeýle geň hala düşýän-de,
Kä içimden, kä daşymdan gepleýän.

Imi-sala dogup ýaşýar bu günler, Hopugara gaýa ýok, ýa gopuz ýok, Paşmadyk arzuwlam ýadyma düşse,
Öýe giresim gelenok.

Ogulnur ATAÝEWA.

Gowy gosgy hazirki halymy yatlatdy

Ýene goňur gözlem gussa gaplandy, Gaplandy ýüregim yzaly duýga,
Meni bir ýigidiň söýgüsi bilen,
Söýüp bilmediňmi mätäçkäm söýgä.

Soňky günler oňuşmagam kyn bolup, Maňa ýaran saňa ýakman başlady,
Geçen güýzde tutulmaly toýmuzyň
“Ol-bul” diýip, hiç gurrasy duşmady.

Kalbyňdan özümi gözledim näler,
Aýdyň gözde del sypata çakyşdym
Ýa-ha meni owal başdan söýeňok,
Ýa sen söýgä özge gözde sataşdyň.

Seýrekleýär senden gelýän jaňlaram, “Söýemok diý” diý gönüläp oňarsaň,
Sen meni beýdib-ä ýeňip bilmersiň,
Meni diňe mensiz oňup ýeňersiň.

Ogulnur ATAÝEWA.

Alma jaňym, näme gerek biderek,
Heý ýüregiň tisginmezmi ýary bir,
Soňky günler uzak-uzak jaňlaňam,
Hymy-symy, gyzygy ýok bary bir.

Näme etjekdiň, diňläp meni gijeler, Göwnüňi duýgular güýmeýän bolsa, Diýme diliň bilen diýme ýalbarýan,
Şol sözi ýüregiň diýmeýän bolsa.

Ogulnur ATAÝEWA.

Hemme goşgulary şular ýalymy?
Watan, dostluk, tebigat, öwüt-ündew hakynda goşgulary ýokmy?

Ýadyrgadym ykbalymdan elewredim o ýan – bu ýan,
Ýazgydyma sygmadygny paýlaşsam aglama uýam,
Gönezlik ýok bagtym üçin, günler öz-özünden uýan,
Agam ýokdur daýanara, Hak ýaradan gorar meni.

Göwni ilki garalyga ýykgyn edýändir ynsanyň,
Gyz başyňa, gyl saçyňa dili ýetmeýär kimsäniň,
Kaka, sen ynjasaň menden meniň bar bolan ynsabym,
Daňyp mäkäm aýagyna jan berinçäm sürär meni.

Tanaýaň ykbal ýakasyn ýazdyranda ilgençegin,
Dünýäň özi ot ekeni kebelek deý allanjaga,
Köşeşdirýän ýene özi salyp bizi sallançagna,
Ýetilmedik arzuwlarym gijelerne üwrär meni.

Ýüregiň suwluja bolýar ýaş başyňa ýakylmasaň,
Ot döränok ýöne ýerden çakmak bolup çakylmasaň,
Atsyz-sozsyuz, saý-sebäpsiz, bir gün ýitsem tapylmasam,
Maňa meňzäp duran ejem, aglap-aglap sorar meni.

Ogulnur ATAÝEWA.

WATANA SÖÝGI

Bir çak aglanymda hüwdi aýtdy enem,
Şol owaza imrindim men, dymdym men,
Ýuwaş-ýuwaş duýga düşüş boldum-da, Watan seni, ine, şeýdip söýdüm men.

Gatnadym obada oba mekdebne, Menden tamaň barlygyny duýdum men, Topuldym-da täze-täze kitaba,
Watan seni ynha, şeýdip söýdüm men.

Kakam maňa daýhan çöregni berdi,
Bal çöregi suwa basyp iýdim men,
Bar duýgusy bilen on ýaşly çagaň,
Watan seni ak ýürekden söýdüm men.

Gullukdan gelende goňşulaň ogly, Kemsinip aglady şo gije ejem,
Gidäýeslem geldi meňem gulluga,
Watan seni ynha, şeýdip söýdüm men.

Şeýde-şeýde galamymam togtady,
Ýitiren ylhammy kalba guýduň sen,
Saňa goşgy ýazsam ynjaldy ýürek,
Watan seni ýene şeýdip söýdüm men.

Ogulnur ATAÝEWA.

Salam. Köpüsi söýgi temasynda ýazylan eken. Şol sanda Eje, Kaka-a bagyşlanan goşgularam bar.

Öçük berende gözüne basar ýapy söz gõzläp ýördüm. şu setirleriñ birini goýjak

*ýaly

gosgulary gouja ekeni