Türkmenistanda iş ýagdaýy sizinem bilişiňiz ýaly kyn, ýöne işlemek isleýäne iş ýok däl. Hatda mümkünçilik ýok ýerde hem ugry tapyp pul gazanýarlar. Kimisi söwda hyzmat,gara hyzmat bilen gün görýär. Biziň halkymyzyň zähmetden gaçmaýandygyna näçe diýseň mysal bar. Diňe bir uzynly gün jokrama yysyda pagta
meýdanlarynda we melleklerde işleýän aýallary göz öňüne getirmek ýeterlik.
Ýöne, halkymyzyň käbir ýerlerde özleriniñ ýaltalygyny yada giňligini görkezýän halatlaram bar.Men bu gezek käbir mümkünçilikleriň bar ýerinde olaryň peýdalanylmaýandygy barada ýazmakçy bolýan.
Türkmenistanda ýokary derejede işsizlik bar diýýäris, emma adamlar kellelerini işledip öz rysgallaryny añsat hem gazanyp bilerler. Söwdañ üsti biler mysallar bereýin, sebäbi iñ kän edilýän kärleriñ başynda gelýär söwdagärlik. Mysal üçin her haýsy bir zat bolup biler azyk harajatlary diyjekmi yada geýim gejim diyjekmi, gurluşyk materýaly bolsun ulag şaýy bolsun satlyk bir zady diýeli. Daşoguzda arzan bahadan alýan we eger şony Aşgabada äkitseñ gymmat bahadan satyp bolýar we kän girdeýji edip bolýan hem bolsa añsat añsat Daşoguzdan Aşgabada gitmez sebäbi şo ýoly geçip gitmeli. Garaz ýoly onsy munsy diýip şol ýere gitmäge ýaltanar.
Hemme zady döwletden ýada başga birinden garaşyp bolmaz, adamyñ özü hem birazajyk gymyldajak bolmaly. Elbetde bir bada başga welaýata haryt äkider ýaly puly bolman biler.
Emma Allatagalla şol adama el aýak göz beripdir boş otur diýip bermändir elbetde iñ bolmanda Türkmenistanda näme kän mellek ýerler kän bolmady biriniñkini alyp ekin ekip ýarpysyny paýlaşyp hem gazanç etmek mümkin ýagny eger adam men işlejek diýse onda şoña iş kän hiç hili maña iş ýok diýip zeýrenmäge haky ýok we hiç wagt iş etmekden utanmaly däl. Halal gazanç etýän bolsañ utanara zat ýok gaýtam begenmeli zat haram iýenok, ýada halkyñ hakyny iýenok iñ bolmanda.
Emma öýde diñe ejesiniñ kakasynyñ pulyna işlemän agşam daşaryk aýlanmaga çykyp entäp ýören ýaşlar bar. Olar durmuşa haçan düşünýär maşgala bolanyndan soñra çagasy bolanyndan soñra sebäbi eýýäm sen kaka bolduñ öýüñ diregi bolduñ we eger içinde azajyk hem utanç duýgusy bar bolsa ýatman öýüñe pul getirmeli gazanç etmeli bolarsyñ. Şonuñ üçin hiç wagt hiç zada ýaltalyk etmeli däl. Bir işe çynyñ bilen ýapyşmaly şeýle bolanda. Allatagalla hem adama yrsgal berer.
Hakykatdan hem türkmen topraklarynyň üstü gyzyl asty mawy baýlyk ýagny ähli güýjiň bilen uly höwes bilen ýapyşsan almajak galaň ýok. Emma kä halatlarda aňsat ýoldan baýajak bolýarlar. Kyn işleri bolsa edesi gelenok. Mysal köp : pudagyň başlygy, ýokardan barlag gelýänçä öz wezipesini edenok. Bolmasa edere is hem kän güýji hem ýetip dur. Onuň üçin hiç wagt işden gaçmaly däl. Eliň aýagyň janyň sag wagty işläp gazanaly we işlemek adamyny saglykly hem saklaýar. Näme diýipdirler : yhlas bilen aglasañ sokur gözden ýaş çykar. Ýada işleýän pil hiç wagt poslamaz.