Her bir ýagdaýa pozitiw ýa-da negatiw tarapdan seredip bolýar . Gahar köplenç “negatiw” duýgy hökmünde seredilýär, ýöne käbir aýratyn ýagdaýlarda peýdaly bolup biler.

Gaharyň hem pozitiw tarapynyň bardygyny bilýärdiňizmi? Elbetde, hemme zat kadaly bolsa, gowy. Gaharlanmak elmydama erbet däl we dogry beýan edilende köp problemalardan, hat-da kesellerden gaça durmaga kömek edýär. Gahar ençeme ýyl bäri basylmaly, gönükdirilmeli ýa-da gizlenmeli , weýran ediji duýgy hökmünde bellenilip gelinýär. Häzirki wagtda hem gaharymyz gelende aýan etmezlige synanyşyp, öňden gelýän pikiri dowam etdirýäris. Gaharyň manysyz, aýdyp bolmajak we görkezilmeli däl bir zatdygyna ynanýarys. Eger-de gahary dogry usulda ulansak onda biz özümize peýda ederis .

Gahary belli etmegiň peýdalary näme?
Ähli duýgularyň boluşy ýaly gaharyň hem jogapkärçilikleri, maksatlary we ýüze çykmak sebäpleri bardyr . Gahar gowy maksatlar üçin hem ulanylyp bilner. Muňa ynanaňyzokmy? Indi näme üçin beýle diýýändigimizi görersiňiz:

Birinjiden, gahar motiwasiýa ediji güýçdir. Bir zada gaty gaharlananyňyzdan soň, ony üýtgetmek ýa-da gowulaşdyrmak üçin göreşip gördüňizmi?

Gahar, dürli zatlary etmegimiziň öňüni alýan akyl we duýgy diwarlarymyzy açmagyň ýa-da döwmegiň usulydyr. Bir zat gahar-gazaba sebäp bolsa, köplenç ony düzetmäge ýykgyn edýäris.

Ikinjiden, gaharly adamlaryň has optimistdigi bellendi. Hawa, geň görünýän hem bolsa, dogry okaýarsyňyz. Ýokarda belläp geçişimiz ýaly, belli bir meselä gaharlanýan adamlar meseläni çözmek üçin has köp synanyşýarlar. Şonun netijesinde hem geljekde nämäniň işe ýarap biljekdigini bilýärler we pessimistlikden uzaklaşýarlar .

Gaharyň üçünji peýdasy, beýleki adamlar bilen gatnaşyk gurmaga mümkinçilik berýär. Gahar , duýgularymyzy paýlaşmagyň bir usuly bolansoň, esasanam adalatsyzlyk bardyr öýdýän ýagdaýlarymyzda, bu hakda näme pikir edýändigimizi we duýýanlarymyzy beýleki adamlara düşündirmek üçin ajaýyp zat.

Gaharyň bize özümizi has gowy tanamaga mümkinçilik berýändigini bilýärsiňizmi? Sebäbi bu bize hakykatdanam nähili we ýagdaýlara nähili garaýandygymyz hakda düşünje berýär.

Eger-de gahary kämil bir görnüşde ulansak, bize gymmatly maglumatlary berip, özümize we durmuşymyza birneme gowy düşünmäge kömek edýär. Mundan başga-da, özümizi motiwasiýa etmek we üýtgetmek üçin ajaýyp usul.

Netijede, gahar , gepleşikler wagtynda gowy strategiýa hökmünde ulanylyp bilner. Köp adamlar bu duýgyny isleýän zadyny almak üçin ulanýarlar. Munuň laýyk ýoldygyny aýdyp bilmeris, bu gaharlanmagyň ýene bir oňyn peydasydyr.