Ejejen, ejejan ölüp barýan-la,
Gün-günden saralyp solup barýan-la.
Käte gamgyn bolup, hatyň görýän-le,
Aýralyk, aýralyk, zalym aýralyk.

Almany nädeýin, narym bolmasa,
Namysy nädeýin, arym bolmasa,
Dünýäni nädeýin, ýarym bolmasa,
Aýralyk, aýralyk, ýakdyň aýralyk.

Öňüňden ýap çyksa, bökmeseň bolmaz,
Gaýgy-hasratyňy dökmeseň bolmaz,
Allanyň ýazanyny çekmeseň bolmaz,
Aýralyk, aýralyk zalym aýralyk.

Asmana seretsem aýlanýar başym,
Aýralykda geçdi on sekiz ýaşym.
Hany, meniň saýlap söýen ýoldaşym,
Aýralyk, aýralyk,  zalym aýralyk.

Elimden tutdular, atdylar oda,
Äkidip satdylar, meni bir ýada,
Baryň aýdyň muny, dostum Myrada,
Aýralyk, aýralyk, zalym aýralyk.

Aganyýaz Jumanazarowyň aýdymyndan alyndy.