Bir gün_❤

Sesiňe bat berme,sesim zor diýip,
Hemle urup bilmän gyrylar,bir gün.
Gaty gabarylma,ornum tör diýip,
Hepbik bolar göwräň,gorular,bir gün.

Käbe ýykdygyňdyr bir göwün ýyksaň,
Arşa çykdygyňdyr,il derdin çekseň,
Halyny sorasaň.raýyna baksaň,
Naçar uýaň göwni bezeler,bir gün.

Häli-şindi görüp ýörkäň görgüsin,
Bu dünýäniň dogrudan kän egrisin,
Geçip bilmän bir garybyň bergisin,
Alanyň yzyňda seriler bir gün.

Kisäň galňadykça ýukalt kalbyňy,
Gözüňi gapmasyn dünýäň salgymy,
Satyn alan ýokdur giden saglygy,
Ýoluň bakyýete gezeler,bir gün.