Okap, bilip , añy goýalt,
Şondan uly güýç ýokdur hiç.
Iýip-içseñ garnyñ doýar,
Açgözden, has aç ýokdur hiç.

Pyntyk şahaň çapylsada,
Bagtsyz gaşyň çytylsada,
Kän arzuwlaň ýykylsada,
Umyt bolsa puç ýokdur hiç.

Enäni bagra bas munda,
Jennet aýagnyň astynda.
Pespäl bolmaly aslynda,
Men-menlige täç ýokdur hiç.

Gündiz dünýäň hysyrdysy,
Gije kelläň pyşyrdysy,
Başy , soňy, dik ortasy,
Ýaşap ýörkäň dynç ýokdur hiç.

Şanazar Hydyrow