Goňşy-goňşyñka gelip-gidip gadyrly gatnaşyp gezmegem gowulyk. Goňşular Garlydyr Genjim göçüp gelen günlerinden gowy goňşuçylyk gatnaşygyny goýman gatnaşansoňlar gelinleri Gülşatdyr Gülnaram goñşy goñşyňka gelişip gidişip göwündeş gatnaşýardylar. Gelmän geçen Gummatlar gabatlaryna göçüp gelenson goñşularyň günleri galapyn goh-galmagalda geçdi . Gummadyň gelni Gurbantäç günuzyn gep gezdirip, gep-gybat gözläp gezdi. Günde-günaşa goňşularyna gykylyklap gününi goh- galmagalda geçirdi.
Gözleýäni goh Gurbantäç galmagal galdyryp goşularyna gygyranda goñşulary gidişip gygyryşsalara Gurbatäjiň güni gelip günuzyn gohlaşsañam gohdan gaçanok. Gohlaşmany gelişiksiz görüp gep gaýtarman gygyryşman gaytsañam gohuny goýman gaýta gitdigiçe gaty galmagal galdyrýar. Goñşy gezeñsoň gaçyp
gazmyna gitjekmi, garaz gündelik günüñi goh-
galmagalda gygyrysyp geçirmelide. Gummadam
gelniniň goñşularyna gygyryp gohlaýanyny görse-de
görmediksiräp gelnine gaýtawulam görkezenok garşysynada gidenok.Gummadyň gylygyny gaty geñ görāýmeli, gelni gygyryşyp gonşularynyň gapysyndan garamasada Gummat goñşuçylyk gatnaşygyny goýanok . Gelni gygyryşsa-gygyryşmasa galaba giçlik gyzy Güljäni gapdalyndan goýman gezekli-gezegine gezekleşdirip goñşularyna gelýär. Gelni gohlaşansoň Gummat gapylaryndan gelende gowy garşylaman geldi-geçer garşylasalarda Gummat gatyrganmakdan geçen gaýta gazanyň gulagynyń gyzýandygyny göräýse güýmenjiräp garnyny göjemän gidenok. Gepimiz gury gelmesin. Gelin Gummadyň gelni Gurbantäjiń goñşusy Garlynyń gelni Gülşada gygyryp galmagal galdyryşyna gulak goýalyň.
Gününi goh galmagalsyz geçiresi gelmeýän Gurbantäç goh gözläp gapdallaryna geldi. Gapdallarynda gezmeläp goñşusy Gülşadyň görünerine garaşdy. Gülşadyń garasy görünenden Gurbantäç Gülşada galtap gölesine gargady
-Gylygyň gursun gysyr göle, garañy görsem gaharym gelyär.
Gaçgyny goh Gülşat görgüli gep gaýtarman gaýtsa-da, Gurbantäç gününi galmagalsyz geçiresi gelmän
gohlaşmagyň gamyny gözledi. Gurbantáç gapdallaryna garanjaklady-da, gulajyn gölesiniň gazygyny gowgadyp gapysyna garşy gitdi. Gurbantäç gidenson göle gazygyny goparyp Gülşatlara garşy göneldi. Göle Gülşatlaryň gögerip gelýänje günebakar gämiklerine geçip gämikleri gögermeze getirdi. Gülşat göläniñ gezmeläp gämikleri guma garysyny görüp gynanmak gynandy. Gyssanmaç göläni goňşylaryna garşy gaýtaryp Gurbantäçleriň gapysyna geldi. Gülşat gylyksyz Gurbantäjiñ gohlamagyndan gorkujyna gypynçly gepledi .
-Gurbantäç göläñiz gazygyny goparyp gämiklerimize
geçaýipdirdä.
Gurbantäjiň göhi geldi .
-Gapymdan gelip gowy gep getireniñe gabat gelip
göremok, geçse-geçipdir-dä.
Gurbantäjiň gaññasyny gyşardyp gepläninden Gülşat
gep gaýtarman gaýtsa-da, Gurbantäç gohuny goýman gapdallaryna geçip gohlap gygyrdy.
-Geleniňe görä gaçma-da, gel gaýratyňy görkez-dä. Güjügiňiz Garabaýyň gyzym Güljäni gorkuzany
gözüñe görünmän, gölämiziń gämikleriňize geçeni
görünýärmi? Gümüñe git gaýdyp gapymda garaň
görünmesin".
Galmagalçy Gurbantäç gykylyklap goýmansoñ Genjimiň gelni Gülnar geldi.
-Gyw, Gurbantäç gohuñy goýaý-a, gaty gelişiksiz, görenler geň görerler.
Garly Gowşutbentdäki gatla gündelik gündüzine
gözegçilige gidýärdi. Gözegçiliginden gijöýlän
gaýdyp gelip gapydan gireninden gelni Gülşat Gurbantäjiñ galmagal galdyryp gohlaýşynyň gylyny gyşartman Garlynyň gulagyna guýup gyjalatly gepledi.
-Günuzyn göwnüm gysylyp gezdim Gummady getir-de
gaşba-gaş gürleş. Gelnini gapyldyraýmasa gaýdyp
gapyzymdan gelmesin".
Garly gelniniñ gürrüñlerine gulak goýup gelnine garşy
gitdi.
- Gapyñdan geleni gapyňdan göýbermän getirmezlik gaty gelşiksizlik, Gummady gelýärkäm gapdallarynda gördüm, gülüşip gadyrly gepleşdik. Gummat gowy-la, gelniniň gepine gidip gatnaşman gezenoga, Gurbantäjem gohlap-gohlap goýarda, gahary gaçyşýança gaçarak gezäýerler".
Garlydyr Gülşat gürrüñlerini gutarmanka gapydan
Gummat girdi .Geñ göräýmeli Gummat gyzy Güljäni
goýup gaýdyp getirmändir. Gurbantãç göýbermedimikä ? Gyzyny göýbermese-de Gummda goýberipdir. Gummat gelniniñ goýberenine - göýbermänine garaman gaýdandyr. Gummat Garlyny gatladan gelýärkä
görendigine garamazdan gapydan girişine
gadyrsyrap gaýtadan görüşip gürrüñe girişdi .
-Gonşular, geleñsizligimizden gölämiz gämikleriñize
geçäýipdir-dä, gaty gynandym. Gurbantäjiň gölämizde günä goýman gohlap gygyranyna gaty görmäň, gelip-gitmeliräkdă. Gölämizem güýz gelýänçã guzlamasa gassaba geçirjek.
-Gummat, gelinleriñ gohuna goşulman gapymdan
geleniňem gaty gowy. Gämikler gümüne gitsin, göle
geçmände-de günebakar goşa gulak gögerip görünenden gögerçin goparybam galmaga goýanoga".
Gummadyň gepine gulak gabardyp Garlynyň gaty
gaýrym geplemezligi gaharyndan gowşaşan Gülşadyň gaýtadan gaharyny galdyrdy.
- Gelinleriniz gygyryşyp, gemrişip gezselerde goşulmadyksyrap gezeniñizi gowy görýäñiz-dä.
Gurbantäç Genjimin gelni Gülnara gygyryp görsün. Genjimiň gelinleriň gohuna goşulýanny -goşulmaýanny
görersiniz. Gurbantäç gaýtmyşyna gelip gülala güllük
gowy gatnaşmasa Gummadam gatnaşman geçsin".
Gülşat gyjalata galyp gaharly gürlänsoň Gummat
gyssanmaç gaýdanyny gowy gördi.
-Garly, Gülşat goñşyň gaharyny gaty galdyrmankam
gideýin.
- Gyssanmasana goñşy garbak- gurbak garbanaly
gidersiñ-dä
Gülşat garbak-gurbak getirmekden geçen gaýta
gaharlanyp gepe goşuldy.
- Günortanlyga gaýnadan gaýnatmamdan galan
galak-gaçak galyndydan getiräýmesem- Gurbantäjiň
gohuna ganymy gyzdyryp garaçorba gaýnatmagada
gymyldasym gelmedi".
Gülşat gapyny gürpüldedip gidensoň Gummadam
gozganjyrap galdy-da, Garla garap gitjekdigini
gaýtalady.
- Goñşy gideýin, gün gyzaryp galmanka guma "Giň guýy" goşa goýun gyrkmaga gyrkyma gitmeli.
- Gitseň gyrkymdan geldigiň gelginiň, gatyrganyp gelmäñi goýaýma.
Gördüňizmi ? Gummadyň gelinleriniň gohuna goşulman, gatnaşygy goýman goñşularyna gelse-de, Gülşadyň gaharlanyp geplemegi, gapyny gürpüldedip gitmegi, galyberse-de goh-galmagalyň galmagyna gelni Gurbantäjiň günäkärligi giñgöwünli Gummadyňam güýmenmän goñşularyndan gaýtmagyna getirdi.
Guwançly gowy günlerde guwanjyňa guwanýan,
gynançly gamly günüñde gynajyňa gynanýan
goňşynyň gerekdigine garamazdan, gep -gybata
gulak gabardyp goñşyçylyk gatnaşygyny goýup
gatnaşman gezýänlerede gynynsak-da gabat gelinýär.
Goñşuçylyk gatnaşygyndan gozgan gürrüñlerim gutarmanka goñşy-goñşa goñşokara gatnadyp, goňşy goñşyňka gelip gidip gadyrly gatnaşyp gezmegiñ gowulykdygyny guwançly günlerde-de, gynançly günlerde-de gonşynyň gerekdigini gaýtalasym gelyär.

Gurbangeldi Miralyýew


Ýadamagyňyz mümkin))