Allanyň döreden ynsany - aýal,
Durmuşyň bezegi gyzygy - aýal.
Müñ dürli şiweli, näzli ýylgyrsa,
Kalbyñda oýarýar müñ dürli hyýal.

Aýal- munuñ özi üýtgeşik gudrat,
Söýen ýigidine berýär ol bagt.
Söýdürip başarsañ aýala özüñ,
Gaýgy oýuňyza gelmez hiç wagt.

Işleseñ, işlärsiñ ýadawlyk duýma:n,
Aýal mähri bilen çyndan çoýanda.
Birinden ikini döredýär- aýal,
Halal ojagyna sarpa goýanda.

Hañk-hukrajyk ärem, är edýän aýal,
Ysnadyň ysnadyn, zor edýän aýal.
Basan ýerinden o:t çykaryp duran,
Ärleri hem gara ýer edýän - aýal.

Ömrüñi ötürip zowky-sapada,
Ýaşaýşyň gülledip, gül edýän-aýal.
Däli ýaşda gara saçlañ agardyp,
Gül ýaly günüñi kül edýän - aýal.

Bilseñiz ynsabyň ynsaby - aýal,
Dünýäniñ göwherden gaşydyr - aýal,
Durmuşyň gözbaşy, çeşmesi -aýal,
Mähriñ hem söýginiň teşnesi - aýal.

Söýüñ siz erkekler, öýüñ gelşigi,
Bu dünýäñ bezegi, gyzygy - aýal.
Erkiňiz ellerden almaklyk üçin,
Hiç ýüpsiz gurnaýar duzagy- aýal.

Isle sen, isleme, ol señ öz işiñ,
Garrasañ, erkiñi alýandyr- aýal.
Gazap bilen alarlarsyñ ahmyrly,
Islese, juluñy ters salar aýal..

Islese- yok zady bar hem edýändir,
Islän çagy- ak eder ol kömrüñi.
Islese- dünýäñi dar hem edýändir,
Islese- gül-gül eder ol ömrüñi.

Ýamanyňy gizläp, ýagşyňy ýaýyp,
Durmuşyňda seniñ daýanjyñ - aýal.
Nesliň abraýyny mukaddes saýyp,
Tuguny parlatjak buýsanjyň - aýal.