(Ýigidiň durmuşa çykan doganyna ýüzlenmesi)

Öýümiz galdy çolaryp,
Gelsene, aýal dogan!
Gussalarmyň göwnüne
Degsene, aýal dogan!

Gelin gülüdir öýnüň,
Solmasyn bahar ömrüň.
Çagalygmyzdan gürrüň
Bersene, aýal dogan!

Gadyr giýew-gaýynda,
Tut sarpasyn gaýymja.
Ömrüň aňzak garynda
Gülsene, aýal dogan!

Ýok bolsa, sözleň dady,
Göwne alma bar zady.
Şat günleriň şaýady
Bolsana, aýal dogan!

Ýylgyr, ýyllar agysyn
taşlap, köňül baýasyn!
Şygrymyň pes manysyn
Orsana, aýal dogan!

2023.01.

Nury SAKÇY