Eý, saky, ber maňa gülgün şerapdan,
Akyt sen küýzäniň bogazyndan han,
Meniň gözlerimiň öňünde bu gün
Käseden mährem bir dostum ýok,ynan
.....
Açylmaz her kese syrlar perdesi,
Ýetmez boş asmana kimsäniň sesi,
Topragyň astyndan başga menzil ýok
Uzyndyr dünýäniň bu ertekisi.
.....
Günämiz nä, ömür gitdi tupana,
Doldy köp jigerler ajaldan gana.
O dünýäden gaýdyp gelen bolsady,
Bilsek nä garaşýar onda ynsana.
.....
Metjit, buthanadan söz uzatma, bes!
Behiştden,dowzahdan ýaňramagyň kes!
Ykbalyň ozaldan ýazylgy bolsa,
Oraza, namazyň barysy hebes.