Täzelikler
ÇAL
18-08-2021, 09:52
Omar Haýýamyň şu rubagylary aýratyn gynançly
Bir geňsi nagyşly nepis pyýala,
Kül uşak edilip, zyňlypdyr ýola.
Basmaweriň! Aslynda ol bir bendäň,
Palçykdan eýlenen kelleçanagy!
Dükanyna bardym, ezber küýzegär,
Görkezdi hünäriň, Ajap bir hünär,
Hiç kesiň görmedik zadynam gördüm,
Palçykdan pederim çekýär müň azar.
Küýzegärden bir gün küýze aldym men,
Pyşyrdady küýze, gulak saldym men:
''Patyşadym, destimdedi tylla jam,
Ynha indem meý küýzesi boldum men''.
Küýze dükanyna bardym bir sapar,
Pyrlap dur destgähin ussa küýzegär,
Gedaýyň golundan, şa kellesinden
Küýzäň gulpun, boýnun ýasaýar zaňňar...
Eý, danyşment, ören çagyň daň sazy,
Tozan syýrýan çaga diýgil bir sözi,
''Ýuwaşrak! Tozatma! Köşek bu tozan,
Keýkubadyň başy, Perwiziň gözi...
27 комментариев