Bilim
YŞK DAMJALARY
15-03-2023, 15:36
Yşk damjalary
Yşk damjalary
YŞK DAMJALARY
Söýgi hem, edil guş ýaly,
kä uçýar, kä gonýar. Öz köňlüňe
bak! Yşgyň köreýän bolsa, bu
seniň okamaly kitabyňdyr.
Okaňsoň, yşgyň joşuşyna-da bir
bak!
***
Bu söýgüden maňa ýeten
-hesretli ýatlamalar boldy.
***
Sen geleňde köşk -
saraýdym.
Haraba döndüm,
saraýdym.
***
Gül satýanam, aşygam:
”Gülümi alýan ýok” diýip nalady.
***
Indi gelme!
Seni gözleý-gözleý,
ýüregimi bölek -
bölek böldüm.
Bir bölekdenem
seni tapmadym.
Indi gelme!
***
-Näçe ýaşansyň?
-Näçe gözel gören bolsam,
şonça.
***
Men bir eýjejik gözel görsem:
”Wah, Allajan, meni näme üçin
BU GÖZELE taý etmedikä?” diýýän.
***
Wah, o solan gülleriň yslary
gamgyn.
***
Malym, döwletim elden gidýär
diýýäň.
Seňki ýagşy-la.
Meniň yşgym elden gidýär,
yşgy-ym!!!
***
-Hany, gelmejekdiň-le?!
Dünýäni terk edip gitjekdiň-le?!
-Wah, men gelmedim,
jesedimi getirdim.
***
Dogrymy aýtsam,
“Mejnun bilen bir
synpda yşk sapagyny okaşdym.”
Ol dörtlük alardy,
meňki bäşlikdi.
***
Tanasalar bir nyşandan,
Tanarlar meni yşgymdan.
***
Ölümim bir ýürege,
bir yşga jan bermese,
ölüp oturasy iş ýok.
***
Ýadyňdamy!?
Ak garly
basgançaklardan
aýakýalaň ylgap-
ylgap düşüpdiň. Basanyňa
begenip sowuk garlar eräpdi.
Ýadyňdamy?!
***
Söýdügine zar bolanyň,
ölende gabry dar bolar.
***
Soňky sözüm şeýle bolar:
“Allajan! Söýgülime
duşurmadyň. O dünýäde,
dowzahda duşursaňam razydyryn.”.
***
Wah, gül ömrüm köýdi!
Niredekä?
Niçikkä?
Ýatlaýarmyka?
Her säherde
üç soraga jogap gözläp
ömrüm köýdi.
***
Ýagmyr bolup gel!
Ýagmyr bolup gel!
diýdiň. Men
diňe Ýagmyr däl,
ORAZ ÝAGMYR
bolup geldim.
***
AŞYK OKYJYM!
Aşyklaryň bu mukamy tükenmez.
Ony özüň dowam edeweri!
© Oraz Ýagmyr. Yşk damjalary. Ankara, 2002. Alynmalar.
YŞK DAMJALARY
Söýgi hem, edil guş ýaly,
kä uçýar, kä gonýar. Öz köňlüňe
bak! Yşgyň köreýän bolsa, bu
seniň okamaly kitabyňdyr.
Okaňsoň, yşgyň joşuşyna-da bir
bak!
***
Bu söýgüden maňa ýeten
-hesretli ýatlamalar boldy.
***
Sen geleňde köşk -
saraýdym.
Haraba döndüm,
saraýdym.
***
Gül satýanam, aşygam:
”Gülümi alýan ýok” diýip nalady.
***
Indi gelme!
Seni gözleý-gözleý,
ýüregimi bölek -
bölek böldüm.
Bir bölekdenem
seni tapmadym.
Indi gelme!
***
-Näçe ýaşansyň?
-Näçe gözel gören bolsam,
şonça.
***
Men bir eýjejik gözel görsem:
”Wah, Allajan, meni näme üçin
BU GÖZELE taý etmedikä?” diýýän.
***
Wah, o solan gülleriň yslary
gamgyn.
***
Malym, döwletim elden gidýär
diýýäň.
Seňki ýagşy-la.
Meniň yşgym elden gidýär,
yşgy-ym!!!
***
-Hany, gelmejekdiň-le?!
Dünýäni terk edip gitjekdiň-le?!
-Wah, men gelmedim,
jesedimi getirdim.
***
Dogrymy aýtsam,
“Mejnun bilen bir
synpda yşk sapagyny okaşdym.”
Ol dörtlük alardy,
meňki bäşlikdi.
***
Tanasalar bir nyşandan,
Tanarlar meni yşgymdan.
***
Ölümim bir ýürege,
bir yşga jan bermese,
ölüp oturasy iş ýok.
***
Ýadyňdamy!?
Ak garly
basgançaklardan
aýakýalaň ylgap-
ylgap düşüpdiň. Basanyňa
begenip sowuk garlar eräpdi.
Ýadyňdamy?!
***
Söýdügine zar bolanyň,
ölende gabry dar bolar.
***
Soňky sözüm şeýle bolar:
“Allajan! Söýgülime
duşurmadyň. O dünýäde,
dowzahda duşursaňam razydyryn.”.
***
Wah, gül ömrüm köýdi!
Niredekä?
Niçikkä?
Ýatlaýarmyka?
Her säherde
üç soraga jogap gözläp
ömrüm köýdi.
***
Ýagmyr bolup gel!
Ýagmyr bolup gel!
diýdiň. Men
diňe Ýagmyr däl,
ORAZ ÝAGMYR
bolup geldim.
***
AŞYK OKYJYM!
Aşyklaryň bu mukamy tükenmez.
Ony özüň dowam edeweri!
© Oraz Ýagmyr. Yşk damjalary. Ankara, 2002. Alynmalar.
1 комментарий