Ugrumda gol gowşuryp,
Gollaryny çermänim.
Söýgi bilen daşyma,
Gorag galasyn germänim.
Wah, şonda-da kätejik,
Öýkelejik duýgularym dyrmanym.
Şonda meñem señ garşyña,
Ulanýanja dermanym,
Özüme meñzeşlerden,
Öwrenenje sanawajym:
"Saña duşup,
Gül ömrüm kül bolandyr.
Saçym sübse,
Kesewidir gollarym..."
Diýsemem, diýen bolsamam,
Bujagaz sanawajy,
Saýmaweri armanym.
Aslynda saña duşup,
Kül ömrüm gül bolandyr.

Gyzylgül ANNAGYLYJOWA.