Ömrüm geçdi, hasratlygyň içinde,
Şatlanyp hiç haçan gülmedi ýüzüm.
Bir gün bir gyz çykyp, kalba geçende,
Diýmäge tapmandym, şol söýgi sözün.

Ömrüm geçdi, a men bolsa şol ýörşüm,
Kalbymda ýapylman dur bitmez ýaram.
Soňky gezek 1 ýyl ozal görüşim,
Göresim geldi-le gözleri gara:m.

Ömrüm geçdi, sadalygyň içinde,
Sada bolsaň ejiz görýän ekenler.
Şol sadalyk ýollaryndan geçende,
Aýagyňa batýan eken tikenler.

Ömrüm geçdi, elde galam, gözde ýaş,
Agyr eken kemsidilip oýnalsaň.
Şükür etdim, iýmegime bolsa aş,
Aklyň ýeter, eger gowja oýlansaň.

Ömrüm geçdi, geçenok hiç günlerim,
Ýazgydym ekeni diňe kynçylyk.
Solup galdy, seredýänje güllerim,
Hiç bilemok, kynçylykdan ynjalyp.

Ömrüm geçdi, kagyz-galam dertdeşim,
Söhbet sen durmagyn, ýaz ýene, ýene.
Ajylarym barýar beter sertleşip,
Söweşip barýaryn men diňe öňe.

Söhbet Döwletow.
27.10.2021ý.