Asmanym garaldy, ýerlerim sarsdy
Menden özge muny bilmedi balam.
Ajal gelip seni, elimden aldy
Alladan gelendir dermanyň balam

Gül gunça açmadan mähriban balam
Sen bizi terk edip gitdiňle balam,
Uçmahyň ak guşy bolduňla balam.
Balam

Ejeň aglar Ene bagry eziler
aglasam gözüme daşlar düzüler
çekýän bereniňe towa edýän allam
balaňy aldyrmak ýamanla-ýaman

Toýuň däl balam, ýasyň tutuldy
Ejeň kakaň Alladan utuldy
wah ömür tanapyň üzüldi balam.
Balam

Doganjygyň Kerem seni sorady
agaň uýalaryň zarlap aglady,
Jogabyny tapman ýürek aglady
tagma goýup gitdiň ýürekde balam.

Sesiňe meňzeş ses tisgindir meni
deň-duşyň görsem odundyr meni,
balaňy aldyrmak ýaman ekeni.
Balam

Ýaman boldy balam seniň ykbalyň
zalym ajal gelip dökdüle ganyň,
seniň üçin berjekdim, bar haly-malym
alaçsyz dertlere goýduňla balam.

Gözleriň ýumuldy aý-günüň ýaşdy
balam bu dünýeden ol dünýä göçdi,
indi näçe diýsem wah wagt giçdi.
Balam

Dermansyz dertdir bu başa salmasyn,
ýaradan balaňy elden almasyn.
Jiger bendiň ýaşy gysga bolmasyn,
gysga berlipdir seň ömrüň balam.

Obam Bäherdendir, Meýlisdir adym
aldyrdym Habybym, ýandyla janym
wah kineli boldy, seniň ykbalyň.
Balam...

Ylýas_gitarist