Goňşy bagdan alma ýoljak çaga deý,
Hiç garaman:eýýäm-haçan,nire,kim?
Aşyp göwnüň kaşaň derwezesinden,
Geldi seniň ykbalyňa giresim.

Geldi seniň ýüregiňe giresim,
Ätläpjik hyýallaň penjiresinden.
Senem ýowuz darap durma,birehim,
Goý,duýgulam biraz eljiresinler!

Kirpikleň naýza deý gezeldi,heýhat!
Saňa barýan ýodalary irizdim...
Teý bolmansoň,seni duýgyma dolap,
Iň reňbe-reň düýşlerime girizdim...

Iň anjaýyn hyýallarma girizdim,
Bezedim,wasp etdim goşgulam bilen.
Ynanýan,ahyry öz keşbiň yzlap,
Geljegňe başbitin,goş-golam bilen...

Kakamyrat Rejebow.