ÄDIKÇI

Bir mahal ädikçi surata garap,
Görkezipdir köwşündäki ýalňyşyn.
Bu söz suratkeşiň göwnüne ýarap,
Düzedende, ýene göterip başyn,
Diýipdir: "Ýüzi-de gyşygrak biraz...
Çakdanaşa açyk dälmi göwsi, dost?"...
Saklapdyr Apelles halys çydaman:
"Ädikden ýokaryk geçme gowsy, dost!"

Biri bar dostlarmyň içinde meniň,
Bilmedim, ne gelýär elinden onuň.
Öz sözüne jür bolsa-da her zaman,
Kän zat hakda gürlär, çakyny bilmän:
Ädikden ýokary geçer biguman!

Aleksandr PUŞKIN

1829ý.