Nobatguly Rejebow “Bagt bilen duşuşyk”
Biri salam berip geldi gapydan,
Diýdi gama batyp, boýnuny burup:
-Geldim, kabul eýle, men seniň bagtyň!
-Hah-hah-ha! Otyrys keýp-sapa gurup,
Seret, göwün islän zadyň tapylýar.
Keýpem kök, pulam kök. Git, gardaş, ýer dar!
Şu mahal bagt meniň nämäme derkar!…
Ýene bir gün geldi şol bagt ýylgyryp:
-Geldim, kabul eýle, men seniň bagtyň!
-Hah-hah-ha! Saýlapsyň gelmeli wagtyň.
Döwranym sowuldy, dar maňa jahan.
Hesret kerebini gurýar daşyma.
Jyda düşdüm jenanymdan…. şu mahal
Men nä seni ýapaýynmy başyma?! :) :D
Комментариев нет
Чтобы оставить комментарий, необходимо на сайте.
